Colombo Today Local News

දන්සල් දෙනවනම් කොන්දේසි 6ක්…

එළඹෙන වෙසක් හා පොසොන් පොහෝ දිනයන් වෙනුවෙන් දන්සල් පැවැත්වීමේ දී අනුගමනය කළ යුතු නිර්ණායක 6ක් බෞද්ධ කටයුතු කොමසාරිස් ජනරාල්වරයා විසින් ප්‍රකාශයට පත්කර තිබේ.

විවිධ ආයතන, සංවිධාන හා පුද්ගලයින් දන්සල් පැවැත්වීමේ මුවාවෙන් මුදල් රැස්කිරීමේ ජාවාරම්වල යෙදෙන බවටත්, එම මුදල් නිසි ලෙස වැය නොකරන බවටත් වාර්තා වන බැවින් දන්සල් පැවැත්වීමේ දී අනුගමනය කළ යුතු එම නිර්ණායක ප්‍රකාශයට පත්කළ බව බෞද්ධ කටයුතු කොමසාරිස් ජනරාල් නිමල් කොටවලගෙදර මහතා පැවසීය.

ප්‍රදේශයේ විහාරාධිපති ස්වාමීන් වහන්සේගේ අවවාද අනුශාසනා හා   ග්‍රාම නිලධාරී ගේ දැනුවත් වීම මත දන්සල් පැවැත්වීම, දන්සල්වලට ආධාර එකතුකිරීමේදී එම නිලධාරීන් දෙපලගේ නිර්දේශය ලබා ගැනීම, මහජනතාව පීඩාවට පත් නොවන ලෙස දන්සල පැවැත්වීම හා ඝෝෂාකාරී සංගීතය යොදා නොගැනීම, සෞඛ්‍යාරක්ෂිත ලෙස ආහාරපාන පිළියෙළ කිරීම, දන්සල් සඳහා ජනතාව යොමු කිරීමේ දී බෞද්ධ කොඩිය භාවිත නොකොට කහ පැහැති කොඩියක් භාවිත කිරීම, මත්වතුර, මත්ද්‍රව්‍ය, දුම්වැටි භාවිතයෙන් වැළකී කටයුතු කිරීම සහ සැදැහැ සිතින් හා  ආචාරශීලිව කටයුතු කිරීම එම නිර්ණායකයන් වේ.

මෙම නිර්ණායක සියලු දිස්ත්‍රික් ලේකම්වරු හා ප්‍රාදේශීය ලේකම්වරු වෙත දැනුම් දී ඇතැයි ද නිමල් කොටවලගෙදර මහතා පැවසීය.

Related posts

2019 අය-වැය ලේඛනය නොවැම්බර් 8 පාර්ලිමේන්තුවට

colombotoday

“මම යවපු වාර්තා එක මිනිහෙක් හරි කියෙව්වානම් අර අහිංසක මිනිස්සු මැරෙන්නේ නැහැ”- නිලන්ත ජයවර්ධන

colombotoday

ඥානසාර හිමිට විරුද්ධව හෙළ උරුමය දෙමල සන්ධානය සහ හූල් එකතුවෙයි සරත් මනමේන්ද්‍ර සිංහලයා වෙනුවෙන් තනි සටනක් දෙයි

colombotoday

කිව්.ආර්. වලින් පිට වැඩ කළ ඉන්ධන පිරවුම්හල් 40ක බලපත්‍ර අත්හිටවයි

Admin

රුපියල තවත් දුර්වල වෙයි

Admin

පාර්ලිමේන්තුව විසුරුවා හැරීමේ නඩුවට පුර්ණ විනිසුරු මඩුල්ලක් ඉල්ලා මෝසමක්

colombotoday