Colombo Today Local News

ත‍්‍රස්තවාදයට අරමුදල් සැපයීම මැඬපැවැත්වීම: ඉහළ අවදානම් සහිත ලැයිස්තුවෙන් ශ‍්‍රී ලංකාව ඉවතට

ත‍්‍රස්තවාදයට අරමුදල් සැපයීම මැඬපැවැත්වීමේ ඉහළ අවදානම් සහිත රටවල් ලැයිස්තුවෙන් ශ‍්‍රී ලංකාව ඉවත් කිරීමට යුරෝපා කොමිසම තීරණ කර ඇත.

යුරෝපා කොමිසම විසින් පසුගිය මැයි 07 වැනිදා ප‍්‍රකාශයට පත්කරන ලද මුදල් විශුද්ධිකරණය වැළැක්වීමේ සහ ත‍්‍රස්තවාදයට අරමුදල් සැපයීම මැඬපැවැත්වීමේ උපායමාර්ගික දුර්වලතා සම්බන්ධයෙන් ඉහළ අවදානම් සහිත තුන්වන පාර්ශවයේ රටවල් ලැයිස්තුවෙන් ශ‍්‍රී ලංකාව ඉවත් කිරීමට තීරණය කර තිබේ.

පසුගිය 2017 වසරේ ඔක්තෝබර් මාසයේ දී මූල්‍ය කාර්ය සාධක බළකාය විසින් ශ‍්‍රී ලංකාව මුදල් විශුද්ධිකරණය වැළැක්වීමේ සහ ත‍්‍රස්තවාදයට අරමුදල් සැපයීම මැඬපැවැත්වීමේ උපායමාර්ගික දුර්වලතා සහිත රටක් ලෙස “අළු ලේඛන” ගත කිරීමත් සමග 2018 පෙබරවාරි මාසයේදී යුරෝපා කොමිසම විසින් ඉහළ අවදානම් සහිත තුන්වන පාර්ශවයේ රටක් ලෙස ශ‍්‍රී ලංකාව ලැයිස්තුගත කරන ලදී. මූල්‍ය කාර්ය සාධක බළකාය විසින් ශ‍්‍රී ලංකාව “අළු ලේඛන” ගත කිරීම සමග හඳුනාගත් උපායමාර්ගික දුර්වලතා මගහරවා ගැනීම සඳහා කාල රාමුවකට යටත්වූ ක‍්‍රියාකාරී සැලැස්මක් ශ‍්‍රී ලංකාවට ලබා දෙන ලදී.

ඒ අනුව, මූල්‍ය බුද්ධි ඒකකය විසින් අනෙකුත් පාර්ශවකරුවන් සමග ඉහත ක‍්‍රියාකාරී සැලැස්ම ලබාදුන් නිශ්චිත කාලරාමුවේදී සාර්ථක ලෙස ක‍්‍රියාත්මක කිරීමට පියවර ගත් අතර එහි ප‍්‍රතිඵලයක් ලෙස 2019 ඔක්තෝම්බර් 13 දා සිට 18 දා දක්වා පැරීසියේ පැවැති මූල්‍ය කාර්ය සාධක බළකායේ සැසිවාරයේදී ‘අළු ලේඛනයෙන්’ ශ‍්‍රී ලංකාව ඉවත් කිරීමට කටයුතු කරන ලදී.

Related posts

ජනපති ආවේස වෙලා වගේ කටට එන බොරු කියනවා

colombotoday

ඉරාන විදේශ කටයුතු අමාත්‍ය ලංකාවට පැමිණේ

Admin

කලත්තෑව කඳවුරේ අවි ගබඩාව හොරු බිඳියි.. ස්වයංක්‍රීය ගිනි අවි දෙකක් අරන් පනී !

colombotoday

හිටපු නියෝජ්‍ය ඇමති සරණ ගුණවර්ධන අල්ලස් කොමිසම විසින් ගොනුකර තිබූ නඩු 8කින් නිදහස්

colombotoday

සති එකහමාරක නිවාඩුවක් ලැබෙන පාසල් මෙන්න

Admin

ඇමති කිරිඇල්ලට අක්කර 30,000 ක් සහ මිලියන 400 ක් ලැබුණේ කොහොමද?

colombotoday