නිකාබය හැඳ සේවයට පැමිණි පුවක්පිටිය දෙමළ මහා විද්‍යාලයේ මුස්ලිම් ගුරුවරියන් දස දෙනකු ආපසු හරවා යැවීමට එම විද්‍යාලයේ විදුහල්පතිවරයා කටයුතු කර ඇතැයි බස්නාහිර පළාත් ආණ්ඩුකාර කාර්යාලය පවසයි.
ඊයේ (07දා) උදෑසන අදාළ ගුරුවරියන් දස දෙනා පාසල වෙත පැමිණි අවස්ථාවේදී ඔවුන්ට පාසලට පැමිණීමට නොහැකි වන අයුරින් ගේට්ටුව වසා දමා ඇති අතර ඉන් අනතුරුව ගුරුවරියන් දස දෙනා බස්නාහිර පළාත් ආණ්ඩුකාර අසාද් සාලි මහතා හමු වී මේ සම්බන්ධයෙන් පැමිණිලි කර ඇත.
ආණ්ඩුකාරවරයා විසින් කලාප අධ්‍යක්ෂවරුන් කැඳවා මේ සම්බන්ධයෙන් සාකච්ඡා කර ඇති අතර සාකච්ඡා අවසානයේදී එම ගුරුවරියන් දස දෙනා බස්නාහිර පළාතේ ගුරුවරුන් හිඟ වෙනත් පාසල් වෙත මාරු කිරීමට තීරණය කර ඇත.