Colombo Today Local News

ජන බලයට බෙදූ කිරි පැකට්ටුවේ වස නෑ… රස පරීක්ෂණයෙන් හෙළිවුණා…

සුගියදා කොළඹදී පැවති මහින්ද පිලේ විරෝධතාවයට පැමිණි ආධාරකරුවන්ට ලබාදුන් කිරි පැකට්වල කිසිදු වස විසක් අඩංගු නැති බවට රස පරීක්ෂණ වාර්තාවෙන් තහවුරු වී ඇතැයි ලිස් මාධ්‍ය ප්‍රකාශක පොලිස් අධිකාරි රුවන් ගුණසේකර මහතා පවසයි.

මහින්ද පිලේ මන්ත්‍රීවරු ඇතුළු පිරිසක් විසින් 2018.09.10 වැනි දින පිටකොටුව පොලිස් ස්ථානයට ඉදිරිපත් කරන ලද පැමිණිල්ලකින් දන්වා තිබුණේ ඔහු සමඟ සිටි පුද්ගලයන් 25කට පිටකොටුවේදී මෙලෙස යම් පිරිසක් විසින් කිරි පැකට්ටුවලට විස ඇතුළත් කර පානය කිරීමට ලබාදී ඇති බවයි. ඔවුන්ට ලබාදුන් බව කියන කිරි පැකට්ටුවද ඔහු විසින් පොලිස් ස්ථානයට ඉදිරිපත් කර තිබිණි.

මේ පැමිණිල්ල සම්බන්ධයෙන් වහාම විමර්ශනයක් ආරම්භ කළ අතර අලුත් කඩේ අංක 03 මහෙස්ත්‍රාත් අධිකරණය වෙත නඩු අංක ඕ99339/3/18 යටතේ කරුණු වාර්තා කරන ලදී. එමෙන්ම අධිකරණයෙන් ලබාගත් නියෝග මත මෙම කිරි පැකට්ටුව 2018.09.13 වැනි දින රස පරීක්ෂක දෙපාර්තමේන්තුව වෙත භාර දෙන ලදී.

රස පරීක්ෂක දෙපාර්තමේන්තුවේ වාර්තාව 2018.09.28 දිනැතිව ලැබී ඇති අතර එම වාර්තාව අනුව පහත දැක්වෙන වස සහ ඔෟෂධ සඳහා පරීක්ෂාවක් සිදු කර ඇත.

සයනයිඩ්, ලෝහමය වස, පළිබෝධනාශක වස වර්ග, ඖෂධ එවැනි වස හෝ ඔෟෂධ එම කිරි පැකට්ටුවේ අඩංගුව නැති බවට රස පරීක්ෂක වාර්තාවේ දක්වා ඇත.

තවද අදාළ කිරි පැකට්ටුව විවෘත කිරීමක් කර නොතිබුණු බවද එම වාර්තාවේ වැඩිදුරටත් දන්වා ඇති බව පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර මහතා සඳහන් කරයි.

Related posts

සැබෑ ආගමික සහජීවනය කුමක්දැයි අරුත්ගැන්වූ “මල්පැලේ උපන් පන්සලේ පියතුමා”

colombotoday

“ඒකාබද්ධ විරෝධය අන්තිම අසාර්ථකයි: මේ පුස්වෙඩිල්ල නිසා රාජපක්ෂ කල්ලිය විහිළුවක් වුණා ” – සාගල රත්නායක

colombotoday

චෝදනා කිරීමට පෙර කන්නාඩියක් ඉදිරයට ගොස් ඇඳුම් උනා දමා සියල්ල තිබෙනවාදැයි බලන්න – ජී එල්ට බොදු බලෙන් පිළිතුරු

colombotoday

“ක්‍රිකට් ජයග්‍රහණය ලබාගත්තේ හිටපු ක්‍රීඩා අමාත්‍ය නාමල් රාජපක්ෂ කැපවීමෙන්”

colombotoday

ජාතික මාධ්‍ය මධ්‍යස්ථානයේ මුල් පුටුව ඉමිතියාස් බාකීර් මාකාර්ට !

colombotoday

අලුත් අවුරුද්දට අලුත් කොරෝනා නීති මාලාවක් නිකුත් කිරීමට පියවර

colombotoday