Colombo Today Local News

ජනාධිපතිවරණයට අනිවාර්යයෙන්ම එනවා -සජිත් තිරප්පනේදී කියයි

මෙවර තමන් අනිවාර්යයෙන්ම ජනාධිපතිවරණයට ඉදිරිපත් වන බවත්, රජරට ජනතාවත්, රටේ ජනතාවත්, දිවිහිමියෙන් රකින බවත් එක්සත් ජාතික පක්ෂ නියෝජ්‍ය නායක සජිත් පේ‍්‍රමදාස මහතා පැවසීය. 

 සජිත් පේ‍්‍රමදාස මහතා මේ බව පැවසුවේ උදා ගම්මාන වැඩපිළිවෙළ යටතේ මිහින්තලා ආසනයේ තිරප්පනේ සෑ දසුන්ගම 246 වන උදාගම්මානය ඊයේ (11 දා) ජනතා අයිතියට පත් කිරීමේ උත්සවයට සහභාගී වෙමිනි.

 එම උත්සවයට සහභාගි වූ සජිත් පේ‍්‍රමදාස මහතා වැඩිදුටත් මෙසේ ද කීය.

 මේ රටේ ආරක්ෂක ක්ෂේත‍්‍රයේ, පොලිසියේ, රාජ්‍ය සේවයේ, ඒ සෑම සියලූ දෙනාටම නොමිලේ ඉඩමක් ලබා දීලා නිවසක් තනා ගන්නට ශක්තිය සහයෝගය ලබා දෙනවා. මයික්‍රෝ ෆිනෑන්ස් ක්ෂුද්‍ර මූල්‍ය ආයතනවලට අපේ වීරෝධාර රණවිරුවන් ගොදුරක් බවට පත් වෙලා. රට දැය බේරාගත් රණවිරුවන් අපි ණයකාරයන් බවට පත් කරන්න හොඳ නැහැ. සෑම රණවිරුවෙක්ම ඒ වහල්භාවයෙන් මුදා ගන්න මේ සජිත් පේ‍්‍රමදාස සූදානම්.

 රණවිරු ගම්මාන, ඉඩම් අපි ලබාදෙන්නේ සම්පූර්ණයෙන්ම නොමිලේ. එමෙන්ම රණවිරු ”විරු සුමිතුරු ”නිවාස ආධාර වැඩසටහන ආරම්භ කර තිබෙනවා. නිවාස ආධාර යටතේ රණවිරුවෝ නිවාස තනා ගන්නවා. ඉඩමක් නැති සෑම රණවිරුවකුටම නොමිලේ ඉඩමක් ලබාදීම ආරම්භ කර තිබෙනවා. 

 රණවිරුවන්ගේ මුදල් පසුම්බියේ තිබුණ තඹ සතයටත් පික් පොකට් ගැහුවා. අපි රණවිරුවන්ගෙන් පික් පොකට් ගහන යුගයක් නිර්මාණය කරන්නේ නැහැ. රටේ ජනතාව නොවැම්බර් මාසයේ රට වෙනතකට හරවන, රට දිනවන, රටේ පොදු ජනයා රජකරන යුගය නිර්මාණය කරන්න ජනතාව වරම ලබලා දෙන කොට මෙරට රණවිරුවන්ට නොමිලේ ඉඩමක් ලබා දීලා නිවාස ආධාර උපකරණ ලබා දෙනවා. ඒ සෑම රණවිරුවෙක්ම සැබැවින්ම රට දැය බේරගත්ත තිස් වසරක යුද්ධය ජයග‍්‍රහණය කරපු රණවිරුවන් ඔවුන් සුරකින්නේ වෙන කවුරුත් නොව සජිත් පේ‍්‍රමදාස යැයි ද හෙතෙම වැඩිදුරටත් කියා සිටියේය. 

Related posts

ලක්ෂ 18කට අධික අයිස් තොගයක් සමග දෙදෙනෙක් දැලේ..

colombotoday

එක්ස්ප්‍රස් පර්ල් නඩුව ගැන ආණ්ඩුවට විශ්වාසයක් නැතැ… දැන් නිදහසට කරුණු හොයනවා

Admin

යුරෝපා සංගමයෙන් තහනමක්.. විනාශ වූ ග්‍රාඩ් රොකට් වෙනුවට අලුත් ඒවා දෙන්න රටවල් දෙකක් බෑ කියයි

colombotoday

ජනතාව දකින තරම් සතුටක් මේ පුංචි ප්‍රේමදාසට නෑ

colombotoday

වනිඳු ට යලිත් තරග තහනමක්

Admin

වරායේ ඇති කිරිපිටි කන්ටේනර් නිදහස් කරගන්න තවමත් සල්ලි නෑ

colombotoday