32 C
Colombo
3 April 2025
Colombo Today Local News

ග්‍රාමීය සංවර්ධන අමාත්‍යාංශයත් මාසකට ලක්ෂ 96ක කුලී ගොඩනැගල්ලක !

කෘෂිකර්ම අමාත්‍යංශය ඉතා ඉක්මණින් යළි  ගොවිජන මන්දිරය වෙත ගෙන යාමට කටයුතු කරන බව අද දින (21) පාර්ලිමේන්තු සංකීර්ණයේ දී පැවති මාධ්‍ය හමුවකදී අමාත්‍ය  චමල් රාජපක්ෂ මහතා ප්‍රකාශ කළේය.

 2016 අප්‍රේල් 08 වෙනිදා කෘෂිකර්ම අමාත්‍යාංශය ගොවිජන මන්දිරය වෙතින් D.P  ජයසිංහ ගොඩනැගිල්ල වෙත ගෙන යාම හා ඒ සම්බන්ධ  ගිවිසුම් අත්සන් කර ඇති අතර ඒ සඳහා අත්තිකාරම් වශයෙන්  මිලියන 24 ක මුදලක් ගෙවා ඇති බවත් ගිවිසුමට අදාළව තවත් අවුරුදු දෙකක කාලයක් ඉතිරි වී ඇති බවත් අමාත්‍යවරයා ප්‍රකාශ කළේය.

ගොඩනැගිල්ලේ විවිධ නඩත්තු කටයුතු සඳහා විශාල මුදලක් වැය කර ඇති නමුත් එහි කටයුතු සම්පූර්ණයෙන්ම අවසන් වී නොමැති බවද අමාත්‍යවරයා පැවසීය.  2017 අගෝස්තු මස 08 මෙකී ගොඩනැගිල්ලට අමාත්‍යාංශය ගෙන ගොස් ඇති අතර, තවත් අවුරුදු දෙකක කාලයක් ඉදිරියට තිබුණ ද කෘෂිකර්ම අමාත්‍යාංශය ගොවිජන මන්දිරයට ගෙන යාමට මේ වන විට තීරණය කර තිබේ. 

මේ අමාත්‍යාංශයේ එක් කොටසක්වන ග්‍රාමීය සංවර්ධන අමාත්‍යාංශය  ඩුප්ලිකේෂන්  පාරේ ගොඩනැගිල්ලක පවත්වාගෙන යන බවත් ඊට මාසෙකට ලක්ෂ 96ක මුදලක් ගෙවන බවත් අමාත්‍යවරයා තවදුරටත් කියා සිටියේය.

ජනවාරි මාසයේ අග වන විට එය අවසන්වන බව පෙන්වාදෙන අමාත්‍යවරයා කෘෂිකර්ම අමාත්‍යංශය ගොවිජන මන්දිරයට ගෙන යාමෙන්  තවත් ලක්ෂ 96ක මුදලක් ඉතුරු වන බවද පෙන්වා  දුන්නේය.

ගිවිසුම් අවසන් වීමට පෙර දෙපාර්ශවයේම කැමැත්ත අනුව මෙය අවලංගු කර ගැනීම සිදු කළ හැකිද යන්න  පිළිබඳව නීතිමය උපදෙස් ගනිමින් සිටින බව වැඩිදුරටත් ප්‍රකාශ කළ  අමාත්‍යවරයා ගොවිජන මන්දිර පරිශ්‍රයේ පවතින ගැටලු ලෙස වාහන නවතා තැබීමේ ස්ථානයක් නොමැති වීම, ගොඩනැගිලි  ශක්තිමත් නොවීම ආදී කරුණු පිළිබදව ද පෙන්වා දුන්නේය.

කෙසේ වුවද ඉතා ඉක්මනින් නැවත කෘෂිකර්ම අමාත්‍යාංශය ගොවිජන මන්දිරය වෙත ගෙනයාමට කටයුතු සම්පාදනය කරන බව අමාත්‍යවරයා අවධාරණය කළේය.

Related posts

බැදුම්කර වාර්තාව ලීක් වෙයි.. පිටපතක් හොර රහසේම අගමැති අතට !!!

colombotoday

ගතවූ සති දෙකට ඩෙංගු රෝගීන් 3,900ක්

colombotoday

වර්තමානයේ තියෙන්නේ බොරුකාර රාජ්‍ය පාලනයක්

Admin

වහා ඉල්ලා අස්වෙන්නැයි ශ්‍රීලනිපය අගමැතිට දන්වයි.. විශ්වාසභංගයට ඒකමතිකව පක්ෂයි.. ඊයේ රෑ ගත් තීරණය මෙන්න

colombotoday

“ජනමාධ්‍ය ලේකම්ගේ ලිපිය රජයේ එකක් නෙවෙයි.. ඒ ගැන මම දන්නෙත් නෑ” ජනමාධ්‍ය ඇමති

colombotoday

ගොවීන්ට පතරොම් තුවක්කු ලබා දීමට පියවර

Admin