කොම්පඤ්ඤවීදිය දුම්රිය ස්ථානය අසල උත්තරානන්ද මාවතෙහි දුම්රිය මාර්ගයට ඉහළින් ගුවන් පාලමක්
ඉදිකිරීම සඳහා කැබිනට් මණ්ඩල අනුමැතිය හිමිව තිබේ.
උත්තරානන්ද මාවත හා විනිසුරු අක්බාර් මාවත හරහා දුම්රිය මාර්ග පිහිටා තිබීම හේතුවෙන් කාර්යබහුල වේලාවන්හි දී දැඩි රථවාහන තදබදයක් ඇති වීම හේතුවෙන් මෙම තීරණය ගෙන ඇත.
ඒ අනුව එම තත්ත්වය පාලනය සඳහා ගුවන් පාලමක් ඉදිකර එක් දිශාවකට ගමන් කරන රථ වාහන සැලැස්මක් ක්‍රියාත්මක කිරීම සඳහා සැලසුම් කර තිබේ.
ඒ යටතේ ගුවන් පාලම් 3ක් ඉදිකිරීම සඳහා මහාමාර්ග අමාත්‍යවරයා විසින් ඉදිරිපත් කළ මෙම යෝජනාවට කැබිනට් මණ්ඩල අනුමැතිය හිමිව ඇත.