Colombo Today Local News

කොකේන් මත්ද්‍රව්‍ය සන්තකයේ තබා ගත් නයිජීරියානු ජාතිකයෙකුට කොළඹ මහාධිකරණයෙන් මරණ දඬුවම

කොකේන් මත්ද්‍රව්‍ය ග්‍රෑම් 774 ක් සන්තකයේ තබා ගැනීමේ චෝදනාවට වරදකරු කෙරුණු හතළිස් හැවිරිදි නයිජීරියානු ජාතිකයෙකුට කොළඹ මහාධිකරණය විසින් මරණීය දණ්ඩනය නියම කර තිබේ.

කොළඹ මහාධිකරණ විනිසුරු ආදිත්‍ය පටබැඳිගේ මහතා විසින් මෙම දඬුවම නියම කරන ලද්දේ, හතළිස් හැවිරිදි ජෝසප් ඔස්ටින් එම්මැනුවෙල් නැමැති නයිජීරියානු ජාතිකයෙක්ට ය.

2016 වසරේ ඔක්තෝබර් මස 4 වනදා පොලිස් මත්ද්‍රව්‍යනාශක කාර්යාංශය විසින් රත්මලාන ප්‍රදේශයේ සිදුකළ වැටලීමක දී මෙම විත්තිකරු අත්අඩංගුට ගැණුනි.

ඉන් අනතුරුව කොකේන් මත්ද්‍රව්‍ය ළඟ තබා ගැනීමේ චෝදනාව සම්බන්ධයෙන් නීතිපතිවරයා ඔහුට එරෙහිව කොළඹ මහාධිකරණය හමුවේ අධිචෝදනා ගොනු කර තිබුණි.

දීර්ඝ නඩු විභාගයකින් පසුව තීන්දුව ප්‍රකාශයට පත් කළ මහාධිකරණ විනිසුරු ආදිත්‍ය පටබැඳිගේ මහතා විත්තිකරුට එරෙහිව පැමිණිල්ල විසින් එල්ල කර තිබෙන කොකේන් සන්තකයේ තබා ගැනීමේ චෝදනාව සාධාරණ සැකයකින් තොරව ඔප්පු වී තිබෙන බව තීන්දු කළේය.

ඒ අනුව විත්තිකරුට මරණීය දණ්ඩනය නියම කරන බව ද නඩු තීන්දුව දෙමින් විනිසුරුවරයා ප්‍රකාශ කර සිටියේය.

Related posts

දේශද්‍රෝහීන්ට මරණ බිය දැනෙයි !!

colombotoday

“කොලොන්නාව තෙල් ගබඩාව ඉන්දියාවට විකිණීමට පිඹරුපත් සකසා අවසානයි” – වෘත්තීය සමිති

colombotoday

ෆේස්බුක් ඔස්සේ වෛරී ප්‍රකාශ නිකුත්කළ ෆසාල් නිසාර්ගේ සන්නිවේදන ජාලයේ පාස්කු ප්‍රහාරයට සම්බන්ධ අයත් සිටින බව CIDය හෙළිකරයි

colombotoday

අතිරේක සොලිසිටර් ජනරාල්වරුන් 07ක් ජනාධිපති නීතිඥවරුන් ලෙස පත්කරයි

colombotoday

” කිරි ආහාර නිදහස් කරගන්න අපි ඩොලර් ලබාදුන්නා. “

colombotoday

ආපදා මරණ 16 දක්වා ඉහළට… 127913ක් පීඩාවට පත්වෙයි.. මහ වැසි තවදුරටත්

colombotoday