හමුදා බුද්ධි කටයුතු සඳහා භාවිත කළ හැකි උසස් තත්ත්වයේ ඡායාරූප ලබා ගැනීමට සමත් ඔත්තු සේවා චන්ද්‍රිකාවක් දියත් කිරීමට ඊශ්‍රායලය අද (06)දින කටයුතු කළේය.
එයින් ලබාගන්නා ප්‍රථම ඡායාරූප පෙළ සතියකින් පමණ ලැබීමට නියමිත ය.
නව ව්‍යාපෘතිය සම්බන්ධයෙන් වැඩි විස්තර හෙළි නොකළ ද ඊශ්‍රායලයේ රාජ්‍ය ගුවන්විදුලිය පවසන්නේ කලාපීය එදිරිවාදියා වන ඉරානයේ න්‍යෂ්ටික කටයුතු සම්බන්ධයෙන් සොයාබැලීමට එය යොදා ගන්නා බවය.
නමුත් න්‍යෂ්ටික වැඩසටහනට හමුදාමය සම්බන්ධයක් හෝ මානයක් නොමැති බව ඉරානය පවසයි.
ඊශ්‍රායල ආරක්ෂක අමාත්‍ය බෙනී ගෑන්ට්ස් පවසා සිටින්නේ ඊශ්‍රායලයේ ආරක්ෂාවට ඔත්තුසේවා ශක්තිමත්ව පැවතීම “අත්‍යවශ්‍ය” බවය.