තවත් කොවිඩ් නයින්ටීන් රෝගීන් 275 දෙනෙකු හඳුනාගැනීමත් සමග මෙරට සමස්ථ රෝගීන් සංඛ්‍යාව 11,335 දක්වා ඉහළ ගොස් තිබේ.
ඊයේ (02) දිනයේ හඳුනාගැණනු නව ආසාදිතයින් 275 දෙනා අතරින් 43 දෙනෙකු නිරෝධායන මධ්‍යස්ථාන වල සිටින පුද්ගලයින් බව රජයේ ප්‍රවෘත්ති දෙපාර්තමේන්තුව සඳහන් කළේය.
අනෙක් ආසාදිතයින් 230දෙනා මිනුවන්ගොඩ සහ පෑලියගොඩ කොවිඩ් පොකුරේ ආසාදිතයින්ගේ ආශ්‍රිතයින්ය.
ඒ අනුව, මිනුවන්ගොඩ සහ පෑලියගොඩ කොවිඩ් පොකුරේ සමස්ථ ආසාදිතයින් සංඛ්‍යාව 7857 දක්වා ඉහළ ගොස් තිබේ.
මෙරටින් වාර්තා වු කොවිඩ් රෝගීන් 5249 දෙනෙකු මේ වන විට පුර්ණ සුවය ලබා රෝහල් වලින් පිටව ගොස් ඇති අතර රෝගීන් 6065 දෙනෙකු තවදුරටත් රෝහල් ගතව ප්‍රතිකාර ලබන බව වසංගත රෝග විද්‍යා අංශය සඳහන් කළේය.