ශ්‍රී ලංකාව හරහා ඕස්ට්‍රේලියාවට යැවීමට සුදානම් කර තිබු කෝටි ගණනක වටිනාකමකින් යුත් මත්ද්‍රව්‍ය තොගයක් තමිල්නාඩුවේ, රාමනාදන්පුරම් ප්‍රදේශයේදී එරට පොලිසිය විසින් අත්අඩංගුවට ගෙන තිබේ.
කොවිඩ් 19 වසංගතය හේතුවෙන් සමස්ත ඉන්දියාවම වසා දමා ඇති පසුබිමක් මත මත්ද්‍රව්‍ය ජාවාරමට සම්බන්ධ පුද්ගලයින් පොලිසියට සාවද්‍ය තොරතුරු සපයා ඇඳිරි නීති බලපත්‍රයක් ද ලබා ගෙන ඇති බවට කරුණු හෙළිව ඇත.
මෙලෙස අත්අඩංගුවට ගෙන ඇති මත්ද්‍රවය අතර මෙත්මෙටමයින්, හෙරොයින්, එක්ටසී ඇතුළු මත්ද්‍රව්‍ය තොග රැසක් පොලිසිය විසින් සොයා ගෙන ඇත.
මෙලෙස අත්අඩංගුවට ගනු ලැබූ මත්ද්‍රව්‍ය තොගයේ වටිනාකම ඉන්දීය රුපියල් කෝටි 10 කට අධික බවත් මත්ද්‍රව්‍ය තොගය සමග සැකකරුවන් 09 දෙනෙකු අත්අඩංගුවට ගෙන ඇත.
ඊට අමතරව මෙම සැකකරුවන් සතුව තිබී ජංගම දුරකථන 30ක්, යතුරුපැදි දෙකක් සහ මෙම මත්ද්‍රව්‍ය ශ්‍රී ලංකාවට යැවීමට සුදානම් කොට තිබු බෝට්ටුවද සිය භාරයට ගැනීමට ඉන්දියානු පොලිසිය සමත්ව තිබේ.