ඉතාලියේ කොරෝනා මරණ ගණන 1,000 ඉක්මවා ගියේය.
ඒ අනුව සති දෙකක් ඇතුළත කොරෝනා වයිරසය හේතුවෙන් ඉතාලියේ මියගිය සම්පූර්ණ ගණන 1,016 යැයි එරට නිල සංඛ්‍යා දත්ත සඳහන් කළේය.
චීනයේ හුබෙයි පළාතේ වූහාන් නගරයෙන් ව්‍යාප්ත වීමට පටන් ගත් කෝවිඩ්-19 යනුවෙන් නම් කර තිබෙන නව කොරෝනා වයිරසය මේ වනවිට රටවල් 120 කට ආසන්න සංඛ්‍යාවකට ව්‍යාප්ත වී තිබේ. ඉන් වැඩිම බලපෑමක් එල්ල වූ යුරෝපීය රට බවට පත්ව ඇත්තේ ඉතාලියයි.
ඉකුත් වසරේ දෙසැම්බර් මාසයේ සිට අද දක්වා කොරෝනා වයිරසයෙන් ලොව පුරා මිය ගිය පුද්ගලයන් සංඛ්‍යාව 5000 ඉක්මවා තිබේ.
ඒ අනුව ලොව පුරා 5,065 දෙනෙකු වයිරසයෙන් මිය ගොස් ඇත.