ඉඩම් නොමැති රණවිරුවන්ගේ පදිංචිය සඳහා රජයේ ඉඩම් ලබා දීමට තීරණය කර තිබේ.
රණවිරුවන් වෙත රජයේ ඉඩම් බැහැර කිරීමේ පෙර පැවති ප්‍රතිපත්තිය 2016 ජුලි මස 18 දින පැවති අමාත්‍ය මණ්ඩල රැස්වීමේ දී සංශෝධනය කර නව ක්‍රමවේදයක් හඳුන්වා දී තිබුණි.
ඒ හේතුවෙන් ඊට පෙර පැවති ප්‍රතිපත්තිය යටතේ ඉඩම් ලබා දී ඇති ඇතැම් රණවිරුවන් අපහසුතාවට පත්ව ඇතැයි වාර්තා වන බව ද රජය සඳහන් කරයි.
එබැවින් රණවිරුවන් කාණ්ඩයන් වෙත සහන ලබා දීමේ දී සිදුවී ඇති අසමානතාවන් ඉවත් කිරීම සඳහා නව ක්‍රමවේදයක් හඳුන්වා දීම සඳහා ඉඩම් අමාත්‍ය එස්.එම්.චන්‍ද්‍රසේන මහතා ඉදිරිපත් කළ යෝජනාවට කැබිනට් මණ්ඩල අනුමැතිය හිමිව තිබේ.