Colombo Today Local News

ඇල්පිටියේ දී ගිනිඅවි ඇතුළු අවි ආයුධ සමග සැකකරුවෙක් අත්අඩංගුවට

ගිනිඅවි ඇතුළු අවි ආයුධ සමග ඇල්පිටිය, ගනේගොඩ ප්‍රදේශයේ දී පුද්ගලයෙකු පොලිස් විශේෂ කාර්යය බළකාය විසින් අත්අඩංගුවට ගෙන ඇත.

පොලිස් විශේෂ කාර්යය බළකායේ සංවිධානාත්මක අපරාධ මර්දන ඒකකයේ නිලධාරින්ට ලද තොරතුරකට අනුව සිදුකළ වැටලීමක දී මෙම සැකකරු අත්අඩංගුවට ගත් බව පොලිස් මාධ්‍ය කොට්ඨාසය සඳහන් කරයි.

අත්අඩංගුවට ගත් සැකකරු සතු ව තිබී “බොර 12” වර්ගයේ ගිනි අවියක් එම උණ්ඩ 06ක්, මෙරට නිෂ්පාදිත ගිනි අවියක්, අත් බොම්බයක්, ටී 56 උණ්ඩ 23 සහ ටී 56 මැගසිනයක් සොයගෙන තිබේ.

ඊට අමතරව කඩු 03ක් , ත්‍රිවිධ හමුදා නිලඇඳුමක් සහ යුද හමුදා නිලඇඳුම් කමිස 03ක් සැකකරු සතුව තිබී සොයාගෙන ඇත.

අත්අඩංගුවට ගත් සැකකරු ගනේගොඩ ප්‍රදේශයේ පදිංචි 28 හැවිරිදි පුද්ගලයෙකු වන අතර, ඔහු අද (22) දින ඇල්පිටිය මහෙස්ත්‍රාත් අධිකරණය ඉදිරිපත් කිරීමට නියමිතය.

මේ අතර සුරියවැව පොලිස් විශේෂ කාර්යය බළකා කඳවුරේ නිලධාරින් සහ සුරියවැව පොලීසිය එක් ව සිදුකළ වැටලීමක දී මෙරට නිෂ්පාදිත ගිනි අවියක් සමග වැවේගම ප්‍රදේශයේ දී පුද්ගලයෙකු අත්අඩංගුවට ගෙන තිබේ.

අත්අඩංගුවට ගත් සැකකරු 65 හැවිරිදි පුද්ගලයෙකු වන අතර ඔහු අද හම්බන්තොට මහෙස්ත්‍රාත් අධිකරණයට ඉදිරිපත් කිරිමට නියමිතය.

Related posts

චෝදනා කිරීමට පෙර කන්නාඩියක් ඉදිරයට ගොස් ඇඳුම් උනා දමා සියල්ල තිබෙනවාදැයි බලන්න – ජී එල්ට බොදු බලෙන් පිළිතුරු

colombotoday

පාර්ලිමේන්තු මන්ත්‍රී 100ක්.. පාළාත්සභා මන්ත්‍රී 200ක් සමග බැසිල් වෙනසකට මුලපුරයි !

colombotoday

ක්ෂේත්‍ර කිහිපයකට ලැබෙන අයවැයේ කොවිඩ් සහන මෙන්න

colombotoday

විවාහ මංගල උත්සවවලට 300ක් සහභාගිවෙන්න අවසර දෙයි

colombotoday

අනවසර ගොඩ කිරීම් හා ඉදිකිරීම්වලට දැඩි නීති

colombotoday

කෙලවරපිටිය ග්‍රීඩ් උප පොළේ සිට නුගපේ දක්වා විදුලි රැහැන් අදින්න කැබිනට් අනුමැතිය

Admin