World

‘ඇමෙරිකානු ජනපති කවුරු වුවත් ඉරානයේ ප්‍රතිපත්තිවල වෙනසක් නැහැ’

ඇමෙරිකානු ජනාධිපතිවරණයෙන් කවුරුන් ජයග්‍රහණය කළ ද ඉරානය ඇමෙරිකාව සම්බන්ධයෙන් දක්වන ප්‍රතිපත්තියේ වෙනසක් සිදු නොවන බව ඉරානයේ උත්තරී නායක අයතොල්ලා අලි කමේනී රූපවාහිනිය ඔස්සේ පැවැසීය.

‘‘අපි මේ ප්‍රතිපත්ති තීරණ ගන්නේ හොඳින් සිතා බලා. ඇමෙරිකාව සම්බන්ධයෙන් අපි තීරණ ගන්නේ ඉතාම විපරමෙන් පුද්ගල මාරුවක් වුණා කියලා එහි වෙනසක් වෙන්නේ නැහැ’’ යැයි රූපවාහිනි ඔස්සේ රටවැසියන් අමතමින් ඉරාන උත්තරීතර නායකයා එම කරුණු සඳහන් කළේය.

නබි නායකතුමාගේ උපන්දිනය වෙනුවෙන් එලෙස රට වැසියන් අමතමින් ඉරාන උත්තරීතර නායකයා එම කරුණු කීය.

‘‘ඇමෙරිකාවේ ජනාධිපතිවරණය පැවැත්වෙනවා. බොහෝදේවල් සිදුවේවි. එහෙත් අපි ඒ ගැන උනන්දු වෙන්නේ නැහැ. අපි ප්‍රතිපත්ති ස්ථීරයි. ඒවායේ වෙනසක් නැහැ. කවුරු ජනාධිපති වුණත් ඒවායේ වෙනසක් නැහැ. ජනාධිපති කවුරු වුණත් අපි අපේ ප්‍රතිපත්ති වෙනස් කරන්නේ නැහැ’’ යැයි ඉරාන උත්තරීතර නායකයා කීය.

පසුගිය කාලයේදී ඉරානය සහ ඇමෙරිකාව අතර මතභේද උත්සන්න වූ අතර දෙරට අතර ආයුධ සන්නද්ධ යුද්ධයක් ඇතිවීමේ අවදානමක් ද නිර්මාණයග දෙරට අතර අවස්ථා දෙකකදී එවැනි තත්ත්ව ඇතිවිය.

ජනාධිපති ඩොනල්ඩ් ට්‍රම්ප්, ඇමෙරිකාව ඉරාන න්‍යෂ්ටික ගිවිසුමෙන් ඉවත් කරගත්තේ ය. ලෝක බලවතුන් සහ ඉරානය අතර 2015 දී ඉරාන න්‍යෂ්ටික ගිවිසුමට අත්සන් තැබිණි. එම සමයේදී ඇමෙරිකාවේ ජනාධිපති ධුරය හෙබවූයේ බැරැක් ඔබාමාය.

Related posts

වැදගත් කතාවලදී කාන්තාවන් කට වහගෙන ඉන්න – ජපානයෙන් තීරණයක්

colombotoday

සමාජ දුරස්ථභාවය පිළිබඳ නීති හේතුවෙන් නවසීලන්ත අගමැතිනිය අවහන්හලකින් දොට්ට

colombotoday

පෝලන්ත ජනපතිටත් කොරෝනා

colombotoday

සූකීගේ නිලධාරියකු හමුදා අත්අඩංගුවේ සිටියදී මිය යයි

colombotoday

TikTok සමග එක්වූ ඇමරිකානු ජනපති

Admin

අපට තවත් තර්ජණය කළොත් ඇමරිකාවට පිළිතුරු දෙන්නේ න්‍යෂ්ඨික අවි වලින් – උතුරු කොරියාව අණතුරු අගවයි

colombotoday