ක්‍රීඩා අමාත්‍ය නාමල් රාජපක්ෂ මහතාගේ සම්බන්ධීකරණ ලේකම්වරයා ලෙස හඳුන්වමින් මහරගම, පමුණුව ප්‍රදේශයේ දුම්රිය මාර්ගය අසල අන් සතු නිවෙසක යුවළක් බලහත්කාරයෙන් පදිංචි කළ අපරාධ රැසකට සම්බන්ධ සැකකරුවකු මහරගම නගරයේදී අත්අඩංගුවට ගත් බව පොලිසිය පවසයි.
කොහොමද ඇල්ලුවේ?
ඒ සම්බන්ධයෙන් ලද පැමිණිල්ලක් අනුව පරීක්ෂණ පවත්වමින් සිටියදී අදාළ පුද්ගලයාගේ කටහඬ හා ඡායාරූප කිහිපයක් මහරගම පොලිසියේ ස්ථානාධිපති ප්‍රධාන පොලිස් පරීක්ෂක එච්.එච්. ජනකාන්ත මහතාට ලැබීමෙන් අනතුරුව රාජ්‍ය බුද්ධි ඒකකයේ නිලධාරීන්ද සහභාගි කරගෙන සිදුකළ රහසිගත විමර්ශනයකින් අනතුරුව සැකකරු අලුත්ගම ප්‍රදේශයේ අයෙක් බවටහඳුනාගත් බව පොලීසිය සඳහන් කරයි.