Colombo Today Local News

ඇමතිවරු 20ක් අද දිවුරුම් දෙයි…

සකස් කර අවසන් වී ඇති කැබිනට් මණ්ඩලය පිලිබඳ ලේඛනය අද පෙරවරුවේ අගමැතිවරයා විසින් ජනාධිපතිවරයා වෙත භාරදී ඇති  බව එක්සත් ජාතික පෙරමුණ පවසනවා. 

 එම පෙරමුණේ පාර්ලිමේන්තු කණ්ඩායම ඊයේ පස්වරුවේදීත් අරලියගහ මන්දිරයේදී මේ සම්බන්ධයෙන් දීර්ඝ ලෙස සාකච්ජා කළ බවයි කරුණාරත්න පරණවිතාන මන්ත්‍රීවරයා කියා සිටියේ.  ඒ අනුව අද දිනයේදී අග්‍රාමාත්‍යවරයා විසින් එම ලැයිස්තුව ජනාධිපතිවරයා වෙත යොමුකළ බව සඳහන්. මේ අතර කැබිනට් මණ්ඩලය අමාත්‍ය ධූර 30කට සිමා වීම හේතුවෙන් හිටපු අමාත්‍යවරු කිහිපදෙනෙකුම ස්වෙච්චාවෙන් එම ධූරයන් ප්‍රතික්ෂේප කර තිබෙනවා. 

හිටපු අමාත්‍යවරුන් වන මනෝ ගනේෂන් , රිෂාඞ් බදියුදීන් , මලික් සමරවික්‍රම යන මහත්වරුන්ට අමතරව තිලක් මාරපන සහ ඩී.එම්.ස්වාමීනාදන් යන හිටපු අමාත්‍යවරුන්ද  එලෙස ස්වෙච්චාවෙන්ම  අමාත්‍ය ධූර ප්‍රතික්ෂේප කර ඇති බවයි වාර්තා වන්නේ. 

කෙසේ වෙතත් කැබිනට් මණ්ඩලයේ අමාත්‍යවරුන් 20 දෙනෙකු අද දිනයේ ජනාධිපති මෛත්‍රීපාල සිරිසේන මහතා ඉදිරියේ දිවුරුම්දීමට නියමිත බව දඳහන්. මේ අතර අදහස් දක්වමින් පාර්ලිමේන්තු මන්ත්‍රී අශෝක් අබේසිංහ මහතා කියා සිටියේ කැබිනට් මණ්ඩලයෙන් කොටසක් පමණක් අද දිනයේ දිවුරුම් දීමට නියමිත බවයි.

 ශ්‍රී ලංකා නිදහස් පක්ෂයෙන් රජයට එක් වූ මන්ත්‍රීවරුන්ට අමාත්‍ය ධුර ලබා නොදීමට ජනාධිපති මෛත්‍රීපාල සිරිසේන මහතා තීරණය කර තිබෙනවා.  ඊයේ පැවති මධ්‍යම කාරක සභා රැස්වීමේදී ජනාධිපතිතුමා මේ බව ප්‍රකාශ කළ බවයි ශ්‍රී ලංකා නිදහස් පක්ෂයේ තරුණ පෙරමුණේ සභාපති ශාන්ත බණ්ඩාර මහතා කියා සිටියේ.

Related posts

බදියුදීන්ට නොතීසි

colombotoday

කිසිදු අවුරුදු උත්සවයක් බැහැ – පොලිස්පතිගෙන් නියෝග

colombotoday

ත්‍රස්තවාදය වැළැක්වීමේ පනත යටතේ ජනපතිගෙන් අලුත් ගැසට් නිවේදනයක්

colombotoday

කොටුව දුම්රිය ස්ථානයේ මගියාට පහරදුන් පොලිසියට වන්දි ගෙවන්න වෙයි

colombotoday

IOCයෙන් ඉන්ධන මෙට්‍රික් ටොන් හත්දහස් පන්සීයයක් කොළොන්නාව තෙල් පර්යන්තයට

colombotoday

එල්ටීටීඊය ප්‍රතිසංවිධානය කල පුද්ගලයෙකු අත්අඩංගුවට

colombotoday