අල්ලස් මුදලක් ලබාගැනීමේ චෝදනාවකට සහාධිපත්‍ය කළමනාකරණ අධිකාරියේ නියෝජ්‍ය සාමාන්‍යාධිකාරීවයෙකු අත්අඩංගුවට ගෙන තිබේ.
අදාළ නිලධාරියා විසින් සිය කාර්යාලය තුළදී අල්ලස් මුදල් ලබා ගන්නා අවස්ථාවේ දී අල්ලස් කොමිසමේ නිලධාරීන් විසින් අත්අඩංගුවට ගෙන ඇති බව වාර්තා වේ.
සහාධිපත්‍ය කළමනාකරණ අධිකාරිය වෙත සහාධිපත්‍ය සහතිකයක් ලබා ගැනීමට පැමිණි පුද්ගලයෙකුගෙන් එහි නියාමන අංශයේ නියෝජ්‍ය සාමාන්‍යධිකාරීවරයා විසින් රුපියල් 25,000 ක අල්ලස් මුදලක් ඉල්ලා ඇත.
මේ සම්බන්ධයෙන් අදාළ පුද්ගලයා විසින් අල්ලස් කොමිසමට පැමිණිල්ලක් ඉදිරිපත් කර තිබේ.
අනතුරුව එම මුදල ලබා ගන්නා අවස්ථාවේ දී සැකකාර නිලධාරියා අත්අඩංගුවට ගත් බව අල්ලස් කොමිසමේ ප්‍රකාශකයෙකු පැවසුවේය.
අත්අඩංගුවට ගත් සහාධිපත්‍ය කළමනාකරණ අධිකාරියේ නියාමන අංශයේ නියෝජ්‍ය සාමාන්‍යාධිකාරීවරයා අද කොළඹ ප්‍රධාන මහෙස්ත්‍රාත් අධිකරණයට ඉදිරිපත් කිරීමට නියමිතය.