අමෙරිකා හමුදා සාමාජිකයින් 59,000ක් කොරෝනා ආසාදිතයින් ලෙස හඳුනාගෙන ඇතැයි පෙන්ටගනය වාර්තා කරයි.
ඉන් 9 දෙනෙකු මියගොස් ඇති බව ද වාර්තා වේ.
අමෙරිකාවේ ආරක්ෂක හමුදා සාමාජිකයින් මිලියන 1.3ක් සක්‍රීය සේවයේ සිටී.
එරට ආරක්ෂක ලේකම් මාර්ක් එස්පර් පසුගිය මස පැවසුවේ කොරෝනා වෛරසය ආසාදනය වී මියගොස් ඇත්තේ එක් හමුදා සාමාජිකයෙක් පමණක් බවය.
මේ අතර එරටින් දිනක් තුළ හඳුනාගත් වැඩිම කොවිඩ් නයින්ටීන් ආසාදිතයින් සංඛ්‍යාව ඊයේ (04)දින වාර්තා වී තිබේ.
ඊයේ දිනය තුළ එරටින් නව ආසාදිතයින් 108,389 දෙනෙකු හඳුනාගෙන තිබුණි.
ඒ අනුව අමෙරිකාවේ සමස්ත කොවිඩ් නයින්ටීන් ආසාදිතයින් ගණන 9,801,355ක් දක්වා ඉහළ ගොස් ඇති අතර සමස්ත කොවිඩ් මරණ ගණන 239,829 කි.