නිරෝධායන මධ්‍යස්ථානයක් ලෙස නම් කෙරුණ පුත්තලම සහිරා ජාතික පාසලේ කටයුතු සුදානම් බව පුත්තලම දිස්ත්‍රික් ලේකම් චන්ද්‍රසිරි බංඩාර මහතා පවසයි.
පුත්තලම නගරයෙන් කොරෝනා ආසාදිතයකු හමුවිමත් සමග අදාල ආසාදිතයා ඇසුරු කල හා සම්බන්ධකම් පැවැත්වු පවුල් 11 ක සාමාජීකයින් 45 දෙනෙකු මුලික අදියරේදි නිරෝධායන කටයුතු සදහා යොදා ගැනිමට යුද හමුදාව සහිරා ජාතික පාසල සකස් කිරිම අද (29) ආරම්භ කෙරුණි.
මේ සදහා සහිරා ජාතික පාසලේ පංති කාමර 20 ක් සුදානම් කර ඇති බව කියයි. ඒ සෑම කාමරයකම ඇදන් 5 බැගින් අදාල පහසුකම් සපයා දි තිබු අතර මෙම පිරිස අද 29 සවස නිරෝධායන කටයුතු සදහා රැගෙන එමට නියමිතව තිබේ.
මේ සදහා යුධ හමුදාවේ 58 වන බල සේනාංකයේ සේනාධිපති බ්‍රිගේඩියර් ප්‍රියංක ප්‍රනාන්දු 143 වන බල සේනාවේ සේනාධිපති බ්‍රිගේඩියර් ධම්මික දිසානායක මහතාගේ මෙහෙය විමෙන් යුධ හමුදා වෛද්‍ය කණ්ඩායම් සේම සෙසු යුද හමුදා කණ්ඩායම් සුදානම් කර තිබුනී.