ජේසුස් වහන්සේ මුස්ලිම් ජාතිකයෙක් යැයි සඳහන් කරමින් සහ ඉස්ලාම් ආගම ප්‍රචාරය කරමින් ජනාකීර්ණ ප්‍රදේශවල සැරිසරන මුස්ලිම් කල්ලියක් සම්බන්ධයෙන් පාස්කු ප්‍රහාරය පිළිබඳව සොයා බලන ජනාධිපති කොමිෂන් සභාවේ අවධානය යොමු කරවීමට බොදු බල සේනා සංවිධානයේ මහ ලේකම් රාජකීය පණ්ඩිත ගලගොඩඅත්තේ ඥානසාර හිමි පසුගිය දා ක්‍රියා කර සිටියා.
Street Dawah Sri Lanka යන තේමාව යටතේ IIRF (Islamic Information and Research Foundation) නමැති සංවිධානයක මෙහෙයවීම යටතේ මෙම ආගම් ප්‍රචාරය කිරීම සිදු කර ඇති අතර මෙම වසරේ මුලදී IIRF සමුළුවක ප්‍රධාන ආරාධිතය ලෙස ශ්‍රී ලංකා පොදු ජන පෙරමුණේ ජාතික ලැයිස්තු අපේක්ෂක මොහොමඩ් අලි සබ්‍රි සහබාගි වී තිබුනා.
