කොළඹ 13, බාබාර් වීදියේ ශ්‍රී මුත්තුමාරිඅම්මාන් කෝවිලේ වාර්ෂික වේල් උත්සවයේ වේල් කරත්තය කෝවිල අසලට ගෙන ඒමට විරුද්ධව අසල මුස්ලිම් පල්ලියේ පිරිස විසින් මරණ තර්ජණ එල්ල කරන බැවින් උත්සවය අත්හිටුවීමට කෝවිල් පරිපාලක මණ්ඩලය තීරණය කර තිබේ. උද උදෑසන කෝවිලට පැමිණි ජාතික සංවාද ඇමති මනෝ ගනේෂන් පවසා ඇත්තේ තමන් නියෝජනය කරන කොළඹ දිස්ත්‍රික්කයේ මෙවැනි සිදුවීමක් ඇති වීම තමන්ට ලැජ්ජාවක් බැවින් කෙසේ හෝ කෝවිලේ උත්සවය පවත්වන ලෙසත් ආරක්ෂාව පිළිබද තමන් බලාගන්නා බවත්ය.
කෙසේ නමුත් ඇමතිවරයාගේ ප්‍රකාශය සම්බන්ධයෙන් වගවීමක් නොමැති බව කියන කෝවිල් පරිපාලක මණ්ඩලය මුස්ලිම් පිරිස විසින් තමන් මරා දමන බවට තර්ජණය කරන බැවින් ආරක්ෂාව පිළිබද සහතිකයක් දෙන තුරු කෝවිල් උත්සවය අත්හිටුවීමට තීරණය කර තිබෙන බව පවසනවා. අද හවස ජාතික සංවාද අමාත්‍යාංශයේ දී කොළඹ ප්‍රදේශයේ මුස්ලිම් දේශපාලඥයන් සමග සාකච්ඡාවක් පැවැත්වීමට මනෝ ගනේෂන් ඇමතිවරයා තීරණය කර ඇති බවද වාර්තා වනවා.