ඉදිරි ජනපතිවරණයට අමාත්‍ය සජිත් ප්‍රේමදාස මහතා තරග කිරීමේදි හංසයා ලකුණින් තරග කිරීමට එකඟතාවක් එක්ස ත් ජාතික පෙරමුණේ ඇතිව තිබේ.
එජාපය යටතේ අලියා ලකුණින් තරග කර ජනපතිවරණය ජයග්‍රහණය කළහොත් පක්ෂ ව්‍යවස්ථාව අනුව ඔහු නිතැනින්ම පක්ෂ නායකත්වයට පත්වේ. අලියා ලකුණ යටතේ එජාපයෙන් තරගකර යම් හෙයකින් සජිත් ප්‍රේමදාස මහතා ජයග්‍රහණය කළහොත්, රනිල් වික්‍රමසිංහ මහතාට එජාප නායකත්වය ද අහිමි වන අතර එබැවින් සජිත් ප්‍රේමදාස මහතා හංසයා ලකුණින් ඉදිරිපත් කිරීමට යෝජනා වී ඇත.
ඒ අනුව සජිත් ප්‍රේමදාස මහතා එජාප නියෝජ්‍ය නායකත්වයෙන් ඉවත් වී හංසයා ලකුණ යටතේ එක්සත් ජාතික පෙරමුණේන් තරග කිරීමට තීරණය කර ඇතැයි පැවසේ.
මේ අනුව ජනාධිපතිවරණයෙන් සජිත් ප්‍රේමදාස මහතා පරාජය වුවහොත්, ඔහුට එජාප නියෝජ්‍ය නායකකමද අහිමි වේ. ජනාධිපතිවරණය ජයග්‍රහණය කළහොත් රනිල් වික්‍රමසිංහ මහතාට අගමැති ධුරය හිමිවන අතර පරාජය වුවත්, ඔහුට අවසන් හුස්ම හෙළන තුරු එජාප නායකත්වයේ රැදී සිටීමට හැකිවනු ඇත.