හෙරොයින්, හමුදා නිල ඇඳුම් හා මුදල් සමග අහුන්ගල්ලේ දී ඊයේ (02)දින පුද්ගලයෙකුව අත්අඩංගුවට ගෙන තිබේ.
පොලිස් විශේෂ කාර්ය බළකායේ අහුන්ගල්ල කඳවුරේ නිළධාරීන් පිරිසක් එම වැටලීම සිදුකර ඇත.
හෙරොයින් ග්‍රෑම් 130කට වැඩි ප්‍රමාණයක් හමුදා නිල ඇඳුම් 10ක් හා රුපියල් හය ලක්ෂයකට වැඩි මුදල් ප්‍රමාණයක් සමග එම පුද්ගලයාව අත්අඩංගුවට ගෙන ඇත්තේ ඊයේ පස්වරුවේ අහුන්ගල්ල වැලිකන්ද බෝගහපිටිය ප්‍රදේශයේදීය.
අදාළ පුද්ගලයාගේ හැසිරීම ගැන සැක සිතී සිදුකළ පරීක්ෂාවකදී එම හෙරොයින්, හමුදා නිල ඇඳුම් සහ මුදල් හමු වී තිබේ.
සැකකරු මීට පෙරද මත්ද්‍රව්‍ය ළඟ තබාගැනීම සම්බන්ධයෙන් රක්ෂිත බන්ධනාගාරගතව ඇප ලබා පැමිණි පුද්ගලයෙකි.