බ්‍රිසීලයේ සිට ගෙන එන ලද සීනි කන්ටේනරයක සගවා මෙරටට ගෙන එන ලද රුපියල් කෝටි 45 ක් පමණ වටිනා හෙරොයින් කිලෝ 30 ක් පොලිස් මත්ද්‍රව්‍ය කාර්යාංශය විසින් ඊයේ සවස (09) සොයා ගන්නා ලදි.
බ්‍රිසීලයෙන් පසුගිය ඔක්තෝම්බර් මාසයේදී නැව් ගතකරන ලද එම කන්ටේනරය පෘතුගාලය හරහා කොළඹ වරායට පැමිණ ඇත්තේ මෙයට සතියකට පෙරය. එය රේගු පරීක්‍ෂාවලින් පසු පසුගිය 08 වනදා වරායෙන් නිදහස්කර පෑලිගොඩ පිහිටි පුද්ගලික ගබඩාවකට ගෙන ගිය පසු මෙම හෙරොයින් තොගය සීනි තොග බෑමේදී හමුවී ඇති බව සදහන්ය.
සීනි කන්ටේනර් තුළ සගවා මහා පරිමාණයෙන් කොකේන් මෙරටට ගෙන ඒමේ ජාවාරම අනාවරණය වීමෙන් අනතුරුව සීනි කන්ටේනර් සුපරික්‍ෂණයට පොලිස් මත්ද්‍රව්‍ය කාර්යාංශය විශේෂ වැඩ පිළීවෙලක් දියත්කර තිබී ඇත. ඒ අනුව එම හෙරොයින් තොගය ගැන අදාල ගබඩාව තුළින්ම තොරතුරු පොලිස් මත්ද්‍රව්‍ය කාර්යාංශයට ලැබී ඇති බව සදහන්ය.
බ්‍රසීලයේ සිට සීනි කන්ටේනරයක සඟවා හෙරොයින් රුගෙන ආ පලමු අවස්ථාව මෙය බවද සඟහන් වේ.