අසනීප වූ පුද්ගලයෙක්ට කඩිනමින් ප්‍රතිකාර ලබාදීම සඳහා, වෛද්‍යවරයාට අසනීපවූ පුද්ගලයා වෙත ගුවනින් යා හැකි “ජෙට් ඇඳුමක්”, එංගලන්තයේ “ග්‍රේට් නොර්ත් ගිලන්රථ සේවය” විසින් අත්හදා බලා තිබේ.
එම ගිලන්රථ සේවයේ අධ්‍යක්ෂ, ඇන්ඩි මව්සන් පැවසුවේ එය සුවිශේෂී ජයග්‍රහණයක් බවය.
ඔහු පැවසුවේ, නව ක්‍රමවේදය හේතුවෙන් තත්පර 90කින් පමණ, අසනීප වී ඇති පුද්ගලයා වෙත යෑමට වෛද්‍යවරයාට හැකි වන බවය. සාමාන්‍ය තත්ත්වයක් යටතේ ඒ සඳහා ඔහුට විනාඩි 30ක් ගතවේ.
විශේෂයෙන් ම හදවත් රෝගීන්ට ප්‍රතිකාර කිරීම සඳහා එය වැදගත් වනු ඇති බව එම අත්හදාබැලීම් කළ ආයතනය පැවසීය.