ශ්‍රී ලංකාව සහ බටහිර ඉන්දීය කොදෙව් කණ්ඩායම අතර පළමු ටෙස්ට් ක්‍රිකට් තරඟයෙන් ඉණිමක සහ ලකුණු හයක ජයග්‍රහණයක් වාර්තා කිරීමට ශ්‍රී ලංකා ක්‍රීඩකයෝ සමත් වූහ.
ගාල්ල අන්තර්ජාතික ක්‍රීඩාංගණයේ පැවැත්වුන මේ තරඟයේ සිව්වැනි දිනයේ සවස් භාගය වන විට සිය ජයග්‍රහණය සහතික කර ගැනීමට ශ්‍රී ලංකා කණ්ඩායම සමත් විය.
ජයග්‍රහණයේ ප්‍රධාන නියමුවා වූයේ ශ්‍රී ලංකා කණ්ඩායමේ පන්දු යවන ක්‍රීඩක රංගන හේරත්.
තරඟයේ පළමු ඉනිමේ දී වාර්තාගත පිති හරඹයක නිරත වූ දිමුත් කරුණාරත්න සහ දිනේෂ් චන්දිමාල් පිලිවෙලින් ලකුණු 186 ක් සහ 151 ක් වාර්තා කළහ.
මෙම තරඟයේ දී මනරම් පන්දු යැවීමක නිරත වූ රංගන හේරත් බටහිර ඉන්දීය කණ්ඩායමේ කඩුළු දහයක් දවා ලීමට සමත් විය.
මේ වන විට රංගන හේරත් දවා ඇති ටෙස්ට් ක්‍රිකට් කදුළු සංඛ්‍යාව 288 කි.