26.5 C
Colombo
3 April 2025
Colombo Today Local News

තොග මිල සිල්ලර මිලට වඩා ඉහළයෑමෙන් සිල්ලර වෙළෙඳුන් සහල් විකිණීම නතර කරති

සහල් තොග මිල සිල්ලර මිලට වඩා ඛෙහෙවින් ඉහල මට්ටමක පවතින හෙයින් සහල් වෙළඳාම මේ වනවිට තාවකාලිව නවතා දමා ඇතැයි පොලොන්නරුවේ බොහෝ සිල්ලර වෙළෙන්දෝ කියා සිටිති.

මේ හේතුවෙන් වෙළඳපොලේ සහල් හිඟයක් පවතින බව පාරිභෝගික ජනතාව පෙන්වා දෙති.

වෙළඳ ඇමති බන්දුල ගුණවර්ධන මහතා පසුගිය සතියේ පොලොන්නරුව දිස්ත්‍රික්යේ මහා පරිමාණ සහල් මෝල් නිරීක්ෂණය කිරීමේ චාරිකාවක නිරතවූ අතර එම මෝල් හිමියන් සමඟ සිදුකල සාකච්ජාවකින් පසුව රජය මගින් පනවා තිඛෙන තොග මිලට සහල් වෙළඳපොලට නිකුත් කිරීමට මෝල් හිමියන් එකඟවූ බව ඇමතිවරයා ප්‍රකාශ කර තිබුණි.

එහෙත් නාඩු සහල් කිලෝවක තොග මිල තවමත් පවතිනුයේ රුපියල් 105ක් ඉක්මවන මිලක් බවද ඔවුහු ප්‍රකාශ කළහ. පාරිභෝගික සේවා අධිකාරිය මගින් නිකුත් කර ඇති සහල් කිලෝවක සිල්ලර මිල රුපියල් 96ක් හෙයින් මෙම තොග මිලට සහල් මිලදී ගෙන විකිණීමට සිදුවන්නේ අනිවාර්යයෙන්ම වැඩි මිලකට බව එම වෙළෙන්දෝ පෙන්වා දෙති. එම නිසා සහල් විකිණීම තාවකාලිකව නවතා දැමීමට තීරණය කල බවද ඔවුහු කීහ.

රජය මගින් පනවා තිඛෙන පාලන මිලට වඩා වැඩි මිලට සහල් අලෙවි කරන සිල්ලර වෙළඳසැල් වටලා එම වෙළෙඳුන්ට එරෙහිව නීති මගින් ක්‍රියා කරන බව පාරිභෝගික සේවා අධිකාරිය කියයි.

Related posts

තමන් සතු විදේශ මුදල් තැන්පත් කිරිමට හා විකිණීමට පොදු සමාකාලයක්..

colombotoday

පොහොර සැපයීම සහතික කරන්න ඩොලර් මිලියන 600ක් අවශ්‍යයි

colombotoday

“පවතින අභියෝග ජයගත යුත්තේ එකමුතුකමින් සහ නිවැරදි අවබෝධයෙන්” – ජනපතිගෙන් අලුත් අවුරුද්දට සුභ පැතුම්

colombotoday

සේවකයාගේ පුද්ගලික අයිතිවාසිකම් ගැන සිතන්න – ස්විස්ටර්ලන්තය ශ්‍රී ලංකා රජයට දන්වයි

colombotoday

අගමැති තිරුපති දෙවියන් පුදන්න යයි…

colombotoday

මාදිවෙල නිවාස ඉල්ලා මාලිමා මන්ත්‍රීවරු පෝලිමේ

Admin