ඉන්දීය හමුදාව සහ චීන හමුදාව අතර ලඩාක් ප්‍රදේශයේ දේශ සීමාවේ යළි ගැටුමක් සිදු ව තිබේ.
පසුගිය 29 සහ 30 දිනවල රාත්‍රී කාලයේ අදාළ ගැටුම් හටගෙන ඇති බව වාර්තා වේ.
එම ගැටුම් සඳහා ද ගිනි අවි භාවිත කර නොමැති අතර සිදුවු හානි පිළිබඳවද මෙතෙක් අනාවරණය වී නැත.
දෙපාර්ශවය අතර එකඟතා බිඳ දමමින් චීන හමුදා ක්‍රියාකාරීත්වය හේතුවෙන් ගැටුම් හටගෙන ඇති බව ඉන්දීය මාධ්‍ය වාර්තා කර තිබේ.
කෙසේවුවද චීන විදේශ අමාත්‍යාංශය ප්‍රකාශ කර ඇත්තේ චීන භට කණ්ඩායම් කිසිවටෙකත් ඉන්දීය දේශ සීමාවේ පාලන රේඛාව පසුකර නොමැති බවය.
සිද්ධිය සම්බන්ධයෙන් හමුදා අණදෙන නිලධාරීන්ගේ මට්ටමේ සාකච්ඡා මේ වන විට පැවැත්වෙන බව ඉන්දීය වාර්තා ප්‍රකාශ කළේය.