Colombo Today Local News

සැකකටයුතු බෝට්ටුවක් සමග හදුනා නොගත් 14ක් උතුරු මුහුදේදී නාවික හමුදා භාරයට…

උතුරු නාවික විධානයට අයත් වේග ප්‍රහාරක යාත්‍රාවකට අනුයුක්ත නාවිකයින් විසින් පෙරේදා (05) අළුයම සිදු කළ මුර සංචාරයක් අතරතුරදී සැක කටයුතු ලෙස උතුරු මුහුදේ යාත්‍රා කරමින් තිබූ ඩිංගි යාත්‍රාවක් සහ පුද්ගලයින් 14 දෙනෙකු නාවික හමුදා භාරයට ගෙන ඇත.

පේදුරුතුඩුවට වයඹ දෙසින් වූ මුහුදු ප්‍රදේශයේ නාවික සැතපුම් 11ක පමණ දුරකින් ‍සැක කටයුතු ඩිංගි යාත්‍රාවක් යාත්‍රා කරන බව නාවික හමුදාව නිරීක්ෂණය කොට තිබේ.

ඒ අනුව එම යාත්‍රාව දෙසට නාවික හමුදා වේග ප්‍රහාරක යාත්‍රාවක් පිටත් කර යැවිමට කටයුතු කර ඇත.

එහිදී ‍පිරිමි පුද්ගලයින් 07 දෙනෙකු, කාන්තාවන් 03 දෙනෙකු සහ ළමුන් 04 දෙනෙකු නාවික හමුදා භාරයට ගැනීමට කටයුතු කර තිබේ.

කන්කසන්තුරෙයිහි පිහිටි ශ්‍රී ලංකා නාවික නෞකා උත්තර ආයතනය වෙත ඔහුන් රැ‍ගෙන ඒමෙන් පසු ප්‍රථමධාර සහ වෛද්‍ය පහසුකම් සැපයිමට නාවික හමුදාව කටයුතු කර ඇත. අනතුරුව ඉදිරි පරීක්ෂණ කටයුතු සඳහා එම පුද්ගලයින් සහ ඩිංගි යාත්‍රාව කන්කසන්තුරෙයි පොලීසිය වෙත භාර දී තිබේ.

පසුගිය 2017 වසරේ මැයි මසදීද උතුරු මුහුදේ බෝට්ටුවකින් ගමන් කරමින් සිටි පිරිසක් නාවික හමුදා භාරයට පත්වුණු අතර පසුව ඔවුන් මියන්මාරයේ රොහින්ග්‍යා සංක්‍රමණිකයන් බවට හදුනාගැනිණි. එක්සත් ජාතීන්ගේ සරණාගත භාරයට ඔවුන් පිරිස පත්කළ මෙම පිරිසට මෙරට රැදී සිටීමට රජය අවසර ලබා දුන් අතර එයට එරෙහිව රට තුළ දැඩි ආන්දෝලනයක් ඇතිවිය.

Related posts

මාරපන කෙලින් වැඩකරන අවංක මහත්මයෙක්, ඔහු හරියටම හරි – මංගල

colombotoday

දුම්රිය සංඥ දෝෂයක් – කඩාකප්පල් ක්‍රියාවක් දැයි පරීක්ෂණ

colombotoday

අනුර කුමාරට ඉඩදී තනතුරෙන් ඉවත්වීමට සූදානම් – අගමැති කියයි

colombotoday

රජයට අයත් හෝටල් දෙකක් මාස 6ක් තුළ විකිණීමේ සූදානමක්…

colombotoday

අල්ලස් ගත් නාකොටික් නිලධාරියා තවදුරටත් රක්ෂිත බන්ධනාගාරගත කෙරේ

colombotoday

මහජන සෞඛ්‍ය පරීක්ෂකවරුන් වර්ජනය අත්හරී

colombotoday