වුහාන් හි චීන විද්‍යාගාරයකින් වෛරස් කාන්දු වීමක් පිළිබඳ උපකල්පනය පිළිගත හැකි බව ඇමරිකා එක්සත් ජනපද රජයේ ජාතික රසායනාගාරයක් විසින් COVID-19 හි මූලාරම්භය පිළිබඳ වාර්තාවක් නිකුත් කරමින් නිගමනය කර ඇති බව රොයිටර් පුවත් සේවය වාර්තා කර ඇත.
මෙම අධ්‍යයනය 2020 මැයි මාසයේදී කැලිෆෝනියාවේ ලෝරන්ස් ලිවර්මෝර් ජාතික රසායනාගාරය විසින් සකස් කරන ලදි.
ලෝරන්ස් ලිවර්මෝර්ගේ තක්සේරුව මගින් COVID-19 වෛරසය පිළිබඳ ජානමය විශ්ලේෂණයක් සිදු වූ බව ජර්නලය පවසයි. වෝල් ස්ට්‍රීට් ජර්නල් වාර්තාව පිළිබඳව අදහස් දැක්වීම ලෝරන්ස් ලිවර්මෝර් ප්‍රතික්ෂේප කළේය.
ජනාධිපති ජෝ බිඩෙන් කියා සිටියේ වෛරසයේ ආරම්භයට පිළිතුරු සොයා ගන්නා ලෙසට බලධාරීන්ට නියෝග කළ බවයි.
චීනයේ වුහාන් වෛරස් ආයතනයේ පර්යේෂකයින් තිදෙනෙකු 2019 නොවැම්බරයේදී රෝගාතුර වූ බවට චෝදනා කරමින් ඔවුන් රෝහල් ප්‍රතිකාර ලබා ගැනීමට උත්සාහ කළ බව එක්සත් ජනපද බුද්ධි අංශ ආරංචි මාර්ග පවසයි.
වෛරසයේ මූලාරම්භය පිළිබඳව චීනය විනිවිදභාවයෙන් කටයුතු නොකරන බවට එක්සත් ජනපද නිලධාරීන් චෝදනා කර ඇති අතර එය බීජිං විසින් ප්‍රතික්ෂේප කර තිබේ.
ලෝක සෞඛ්‍ය සංවිධානයේ ඉහළ පෙළේ නිලධාරියෙකු වන මයික් රයන් සඳුදා පැවසුවේ COVID-19 හි මූලාරම්භය පිළිබඳව වැඩි දත්ත හෙළි කිරීමට ලෝක සෞඛ්‍ය සංවිධානයට චීනයට බල කළ නොහැකි බවත්, වෛරසය පැමිණියේ කොතැනද යන්න පිළිබඳව අවබෝධයක් ලබා ගැනීම සඳහා අවශ්‍ය අධ්‍යයන යෝජනා කරන බවත් ය. .
මෙම මස මුලදී එක්සත් ජනපද බෝවන රෝග විශේෂඥ වෛද්‍ය ඇන්තනි ෆවුසි චීනයෙන් ඉල්ලා සිටියේ රෝගී පුද්ගලයින් 9 දෙනෙකුගේ වෛද්‍ය වාර්තා මුදාහරින ලෙසයි. රසායනාගාර කාන්දුවක ප්‍රතිඵලයක් ලෙස COVID-19 ප්‍රථම වරට මතු වූයේ ද යන්න පිළිබඳව වැදගත් බවයි ඔහු සඳහන් කර ඇත්තේ.