හීලෑ අලි ඇතුන් මෙල්ල කරන පුද්ගලයා (ඇත් ගොව්වා) මත්පැන් පානය කර රැකියාවේ නිරත වීම තහනම් කරමින් ශ්‍රී ලංකාවේ නව සත්ව ආරක්ෂක නීති සංශෝදනය කර තිබෙනවා.
“අලි ඇතුන් භාරයේ සිටින තැනැත්තා රැකියාවේ නියුතු වන අවස්ථාවේදී කිසිදු මත්පැන් හෝ හානිකර මත්ද්‍රව්‍යයක් භාවිතා නොකරන බවට වග බලා ගත යුතුයි” යනුවෙන් වනජීවී ආරක්ෂක ඇමති විමලවීර දිසානායක බ්‍රහස්පතින්දා නිකුත් කළ ගැසට් නිවේදනයේ සඳහන් කර ඇත.
වැඩ කරන අලි ඇතුන් පිළිබඳ දැඩි නීති හැරුණු විට, නව පියවරයන්ට අනුව සෑම සතෙකු සඳහාම දිනපතා පැය දෙකහමාරක ස්නානය කිරීම අවශ්‍ය වේ.
තම රැකවරණය යටතේ සිටින සතුන්ට ඩීඑන්ඒ මුද්දරයක් අඩංගු නව ඡායාරූප හැඳුනුම්පත් තිබීම සහතික කිරීමේ වගකීම අයිතිකරුවන් සතු වේ.
මීට අමතරව, වැඩ කරන අලි සඳහා බහුවිධ රෙගුලාසි එකතු කර ඇත.
චිත්‍රපට සඳහා ඒවා භාවිතා කිරීම පශු වෛද්‍යවරයෙකුගේ දැඩි අධීක්ෂණය යටතේ සිදු කළ යුතුය.
දැව කැපීම සඳහා අලි වැඩ කිරීම දිනකට පැය 4 නොඉක්මවිය යුතු අතර රාත්‍රී වැඩ තහනම්.
සංචාරක කර්මාන්තය ද නව සීමා කිරීම් වලට මුහුණ පා සිටී. අලියෙකු පිට නැගීමට වරකට අවසර දෙනු ලබන්නේ සිව් දෙනෙකුට පමණක් වන අතර භාවිතා කරන සෑදලය හොඳින් සවි කළ යුතුය.
අයිතිකරුවන් මාස හයකට වරක් වෛද්‍ය පරීක්‍ෂණය සඳහා තම සතුන් රැගෙන ආ යුතුය.
අලූත් නීතිය උල්ලංඝනය කළහොත් සත්වයා රජයේ රැකවරණය සඳහා තබා අයිතිකරුට වසර තුනක සිර දඬුවමක් නියම කළ හැකිය.