එක්සත් ජාතික පක්ෂය නියෝජනය කරන මන්ත්‍රීවරුන්ගේ සහයෝගය රජයට ලබා දීම සඳහා රහස් සාකච්චා සිදුවෙම්න් පවතින් බව සිරිකොත ආරංචි මාර්ග පවසනවා.
මෙම සාකච්ඡා එක්සත් ජාතික පක්ෂය පාර්ශවයෙන් හිටපු පාර්ලිමේන්තු මන්ත්‍රී රවී කරුණානායක සහ අමාත්‍ය විමල් විරවංශ අතර සිදුවන බවට වාර්තා වේ.
රවී කරුණානායක සහ විමල් විරවංශ අතර පසුගිය වසර කිහිපයේ මිත්‍රත්වයක් ගොඩ නැගී ඇති බවත් පසුගිය රජය සමයේ අවස්ථා කිහිපයකදී විමල් විරවංශ මහතාට රවී කරුණානායක මහතා විසින් උපකාර කර ඇති බවත් පැවසේ.
සජිත් ප්‍රේමදාස පාර්ශවය එක්සත් ජාතික පක්ෂය හැර යාමෙන් පසුව එළෙඹෙන මැතිවරණයේදී එජාපය දැඩි පසු බෑමකට ලක්වීමට ඉඩ ඇති බවට දේශපාලන විශ්ලේෂකයන් අදහස් පල කර ඇත.