World

මියන්මාර හමුදා ජුන්ටාව විරෝධතා මධ්‍යයේ ඇඳිරි නීතිය පනවයි. | හමුදා ප්‍රධානියා ජාතියත් අමතයි.

මියන්මාර හමුදාව එරට පාලන බලය අත්පත් කර ගැනීමට එරෙහිව දින ගණනක් තිස්සේ පැවති විරෝධතා හේතුවෙන් රටේ වඩාත්ම ජනාකීර්ණ නගර දෙකෙහි ඇඳිරි නීතිය ප්‍රකාශයට පත් කර තිබේ.

හමුදා ජුන්ටාව විසින් අවුන් සාන් සූ කී සහ තේරී පත් වූ සිවිල් රජයේ අනෙකුත් නායකයින් රඳවාගෙන සතියකට පසුව සඳුදා අඛණ්ඩව තෙවැනි දිනටත් විරෝධතා පෙලපාලි පැවැත්විණි.

“මියන්මාරය සුරකින්න” සහ “අපට ප්‍රජාතන්ත්‍රවාදය අවශ්‍යයි” යනුවෙන් කියැවෙන සටන් පාඨ මෙන්ම සූකී ගේ ඡායාරූප ද අතින්ගත් ජනයා අගනුවර වන නැපිටෝ සහ ප්‍රධාන වාණිජ නගරය වන යැන්ගුන් ඇතුළු ප්‍රධාන නගරවල වීදිවල විරෝධතාවයේ යෙදෙන ලදි.

නැපිටෝ හි විරෝධතාකරුවන් විසුරුවා හැරීමට පොලිසිය ජල ප්‍රහාර භාවිතා කළේය.

හමුදා කුමන්ත්‍රණයට නායකත්වය දුන් ජෙනරාල් මින් අවුන්ග් හේලිං සඳුදා සවස ජාතිය ඇමතුවද නොසන්සුන්තා ගැන කිසිදු සඳහනක් නොකළේය.

සු කීගේ පාලක පක්ෂය නැවත බලයට පත් කළ නොවැම්බරයේ පැවති මැතිවරණය වංචනික යැයි ජෙනරාල්වරයා නැවත වරක් කියා සිටියේය. “සැබෑ හා විනයගරුක ප්‍රජාතන්ත්‍රවාදයක්” ගෙන ඒම සඳහා නව මැතිවරණයක් පැවැත්වීමට ඔහු පොරොන්දු විය.

නමුත් නව මැතිවරණ පැවැත්වෙන්නේ කවදාදැයි ඔහු සඳහන් කළේ නැත.

මේ අතර සඳුදා රාත්‍රී 8 සිට අළුයම 4 දක්වා යැන්ගුන් සහ මැන්ඩලේ නගරවලට ඇඳිරි නීතිය ද පනවනු ලැබිණි.

Related posts

BREAKING : නවසීලන්තයට දරුණු භූකම්පනයක්

colombotoday

කෝටි 200ක මුදල් වංචාවට ජැකලින් විත්තිකාරියක් කරයි

colombotoday

වෛද්‍ය විද්‍යාලයක මිනිස් සිරුරු කොටස් ජාවාරමක්

Admin

ඩෙන්මාර්කයේ දෙවැනි මාර්ග්‍රේතා රැජින කිරුළ අත්හරී

Admin

බංගලාදේශයේ බෞද්ධයන්ගේ තත්වය දරුණු අතට. ඉස්ලාම් දැඩි මතදාරින්ගෙන් භික්ෂුන්ට සැහැසිකම්. විහාරස්තානවල ඉඩම් ද කොල්ල කති

colombotoday

එක්සත් රාජධානිය සමග රටවල් රැසකින් සංචාරක තහනමකක්.

colombotoday