ඊයේ (23) රාත්‍රියේ වාලච්චේන පොලිස් වසමේ කුලාවඩිච්චේන ප්‍රදේශයේ දී කැත්තකින් පහර දී කාන්තාවක් ඝාතනය කර තිබේ.
මරණකාරිය වයස අවුරුදු 48ක කුලාවඩිච්චේන – වාකනේරි ප්‍රදේශයේ පදිංචිකාරියක් බව වාර්තා වේ.
පෞද්ගලික ආරවුලක් හේතුවෙන් මරණකාරියගේ දියණියගේ පුරුෂයා විසින් මෙම පහර දීම සිදු කර ඇති බව අනාවරණය වී ඇත.
සැකකරු ප්‍රදේශයෙන් පළා ගොස් ඇති අතර, ඔහු ඉකුත් පෙබරවාරි 10 වැනි දා මරණකාරියගේ පුරුෂයාට පොල්ලකින් පහර දී ඝාතනය කළ සිද්ධියකට අදාළ ව සිරගත ව සිට ඇප මත නිදහස ලබා සිටි අයෙකු බවට වාර්තා වේ.
සැකකරු අත්අඩංගුවට ගැනීම සඳහා වාලච්චේන පොලීසිය වැඩිදුර විමර්ශන සිදු කරයි.