කොටි ඩයස්පෝරාවේ ප‍්‍රධාන බෙර වාදකයා වූ මකියන් තංගවේලූ ලන්ඩන් නුවර හීත්රෝ ගුවන් තොටුපළේදී ත‍්‍රස්ත මර්දන පොලිසිය අත්අඩංගුවට ගෙන ඇත.
ජීනිවා නුවරට ගෙන යෑම සඳහා මොහු තම ගමන් මළු තුළ සඟවාගෙන තිබූ කොටි උපාංග රැසක් ද සොයාගෙන තිබේ.
මොහු අත්අඩංගුවට ගැනීම නිසා (6 දා) ජීනිවා නුවර මානව හිමිකම් කවුන්සිලය ඉදිරියේ පැවැත්වීමට යෝජිතව තිබූ මළ බෙර වාදනය ද නතරවී ඇත.
ත‍්‍රස්ත මර්දන පොලිසිය මොහුගේ නිවස පරීක්‍ෂා කිරීමේදී කොටි තොරතුරු රැසක් යූඑස්බී උපාංග සහ වෙනත් උපකරණ හමුවිය. අත්අඩංගුවට ගනු ලැබූ මකියන් තංගවේලූ කොටි ජාත්‍යන්තර ජාලයේ ප‍්‍රධානියකු බවද හෙළිවී තිබේ.
මේ අතර මොහුගේ නිවසින් හමුවූ කොටි උපාංග ගැන ද පරීක්‍ෂා කෙරේ.