ජනවාරි 20 වනදා සඳ මත ගොඩබැස්වූ ජපාන යානය විදුලි සැපයුමෙහි ඇතිවූ දෝෂයක් හේතුවෙන් ක්‍රියාවිරහිතව තිබූ අතර
එය නැවතත් ක්‍රියාත්මක වන බව ජපාන අභ්‍යවකාශ ගවේෂණ ඒජන්සිය පවසයි.
එය පෙරදින (28) රාත්‍රියේ සිට සන්නිවේදන සම්බන්ධතා නැවත ආරම්භ වූ බවද වාර්තා කරයි.
එහි සූර්ය කෝෂ සූර්යයා දෙසට යොමු වී නොතිබීම හේතුවෙන් එම යානයේ විදුලි සැපයුමට බාධා එල්ල වී තිබින. එහි සූර්ය කෝෂ නැවතත් ක්‍රියාත්මක වීම ආරම්භ වී ඇති බව සඳහන් ය.
මීට පෙර අමෙරිකාව, සෝවියට් රුසියාව, චීනය සහ ඉන්දියාව, සඳ මත යානයක් ගොඩ බැස්සවීමට සමත්විය.
ඒ සමගම සඳ මතට යානයක් යැවූ 5 වැනි රට බවට ජපානය පත්විය.