Colombo Today Local News

ගෝඨාභයට එරෙහි නඩුවේ නීතිමය පදනමක් නෑ

පසුගිය රජය සමයේ, මැදමුලන වීරකැටිය ප්‍රදේශයේ ඩී.ඒ. රාජපක්ෂ අනුස්මරණ කෞතුකාගාරය ඉදිකිරීමේදී රුපියල් මිලියන… තිස් හතරකට ආසන්න රජයේ මුදලක් සාවද්‍ය ලෙස පරිහරණය කළේ යැයි චෝදනා එල්ල වී සිටින හිටපු ආරක්ෂක ලේකම් ගෝඨාභය රාජපක්ෂ මහතා ඇතුළු විත්තිකරුවන් හත් දෙනකුට එරෙහිව නීතිපතිවරයා ගොනුකර තිබෙන අධිචෝදනා පත්‍රය නීතිමය පදනමක් නොමැති වැරදි සහගත නඩුවක් යැයි ජනාධිපති නීතිඥ රොමේෂ් ද සිල්වා මහතා පෙරේදා (19දා) කොළඹ ත්‍රිපුද්ගල විශේෂ මහාධිකරණය හමුවේ ප්‍රකාශ කළේය.

මෙම නඩුව පෙරේදා (19දා) සම්පත් අබේකෝන් (සභාපති), සම්පත් විජේරත්න සහ චම්පා ජානකී රාජරත්න යන ත්‍රිපුද්ගල මහාධිකරණ විනිසුරු මඬුල්ල හමුවේ කැඳවනු ලැබූ අවස්ථාවේදී නඩුවේ පළමුවන විත්තිකරු ලෙස නම් කර සිටින හිටපු ආරක්ෂක ලේකම් ගෝඨාභය රාජපක්ෂ මහතා වෙනුවෙන් කරුණු දක්වමින් ජනාධිපති නීතිඥ රොමේෂ් ද සිල්වා මහතා මේ බව ප්‍රකාශ කළේය.

නඩුව කැඳවූ අවස්ථාවේදී පැමිණිල්ල වෙනුවෙන් පෙනී සිටි රජයේ නියෝජ්‍ය සොලිසිටර් ජනරාල් දිලීප පීරිස් මහතා අධිකරණයට දන්වා සිටියේ විත්තිය විසින් ඉල්ලා සිටි ලේඛන බොහොමයක් දැනටමත් ඔවුන් වෙත භාරදී තිබෙන බවයි. එහෙත් විත්තිකාර ගෝඨාභය රාජපක්ෂ මහතා වෙනුවෙන් පෙනී සිටි ජනාධිපති නීතිඥ රොමේෂ් ද සිල්වා මහතා අධිකරණයට දන්වා සිටියේ විත්තිය ඉල්ලා සිටි ලේඛන සමහරක් මේ වනතුරු පැමිණිල්ල විසින් විත්තිය වෙත ලබාදී නොමැති බව චෝදනා කළේය.

මෙම නඩුව කඩිනමින් විභාග කිරීම සඳහා අධිකරණයට සහාය වීම විත්ති පාර්ශ්වයේ අරමුණ වුවත් පැමිණිල්ල විසින් අදාළ ලේඛන ලබාදීම ප්‍රමාද කරමින් සිටින හෙයින් දෙසැම්බර් මස 04 වැනිදා සිට දිනපතා විභාග කිරීමට නියම කර තිබෙන මෙම නඩුවට තමන්ට සූදානම් වීමට අපහසු තත්ත්වයක් උද්ගතව ඇති බවද ජනාධිපති නීතිඥ සිල්වා මහතා අධිකරණය හමුවේ පෙන්වා දුන්නේය.

මේ හේතුවෙන් නඩුවේ විභාගය ප්‍රමාද කරමින් සිටින්නේ පැමිණිල්ල විසින් බව චෝදනා කළ ජනාධිපති නීතිඥ රොමේෂ් ද සිල්වා මහතා මෙම නඩුව නීතිමය පදනමක් නොමැති වැරදි සහගත ලෙස පැවරූ නඩුවක් බව ද සඳහන් කළේය. රජයේ නියෝජ්‍ය සොලිසිටර් ජනරාල් දිලීප පීරිස් මහතා අධිකරණයට දන්වා සිටියේ විත්තිය ඉල්ලා සිටින ලේඛන බොහෝමයක් මේ වනවිටත් ඔවුන් වෙත භාරදී ඇති බවත් ඉතිරි ලේඛන ද ඉදිරි දින කීපය තුළ ලබාදීමට කටයුතු කරන බවත්ය. ඒ අනුව අදාළ ලේඛන විත්තිය වෙත නිසි පරිදි ලබාදී තිබේද යන්න පරීක්ෂා කිරීම සඳහා නඩුව නැවත නොවැම්බර් මස 9 වැනිදා කැ¼දවන ලෙස ත්‍රිපුද්ගල විශේෂ මහාධිකරණ විනිසුරු මඬුල්ල නියම කළේය.

Related posts

විරෝධතාවට උසාවි වාරණයක්, වාරණය නොතකා අන්තරය විරෝධතාවයේ

colombotoday

CEPA එපා, කියූ රජයේ වෙදැදුරු සංගමයට එරෙහිව මර්ධනයක්!

colombotoday

JVP හා TNA එක්විය යුතුයි – සම්බන්ධන්

colombotoday

Video – හිරුණිකාව නීතියට උඩින් තබා ගැනීම යහපාලනය නම් වේ – ගම්මන්පිල

colombotoday

ඔලුවිල් අග්නිදිග විශ්වවිද්‍යාලයේ S M හාලිෆ් ආචාර්යවරයා ලිංගික අල්ලසක් නැත්නම් විභාගය අසමත් කරනවා

colombotoday

“ශ්‍රී ලංකාව තුළ ත්‍රස්තවාදයට කිසිදු ඉඩක් නැහැ” – ආරක්ෂක රාජ්‍ය ඇමති තුර්කියේදී කියයි

Admin