මාස තුනක් ඇතුළත සිංහරාජ රක්ෂිතයේ වෙසෙන අලි දෙදෙනා කොටු කර තැබීමට ඉඩමක් ලබා නොදුනහොත් සිය ධූරවලින් ඉවත් වන බව වන ජීවී අමාත්‍ය ෆීල්ඩ් මාර්ෂල් සරත් ෆොන්සේකා මහතා සහ වන ජීවී නියෝජ්‍ය අමාත්‍ය පාලිත තෙවරප්පෙරුම මහතා පවසා සිටියි.
රක්වාන රජවත්ත ප්‍රදේශයේ දී අමාත්‍යවරයා සහ නියෝජ්‍ය අමාත්‍යවරයා ගම්වාසීන් හමුවී මේ බව ප්‍රකාශ කළ අතර ජනාධිපති මෛත්‍රිපාල සිරිසේන මහතා විසින් ඉඩමක් ලබා දෙන බවට වූ පොරොන්දුව කඩිනමින් ඉටු කරන ලෙසද දන්වා සිටියහ.
සිංහරාජයේ අලින් දෙදෙනා ඇල්ලීමේ මෙහෙයුම ජනාධිපතිවරයාගේ නියෝගයෙන් නතර කිරීම සම්බන්ධයෙන් ඇමති ෆොන්සේකා අප‍්‍රසාදයද පල කර ඇත.