නව ආණ්ඩුක්‍රම ව්‍යවස්ථා සංශෝධන අවසන් වාර්තාව හා නව ව්‍යවස්ථා කෙටුම්පත සකස් කිරීම සම්බන්ධයෙන් සාකච්ඡා කිරිමට ආණ්ඩුක්‍රම ව්‍යවස්ථා මෙහෙයුම් කමිටුව මේ 24 වනදා අගමැති රනිල් වික්‍රමසිංහ මහතාගේ ප්‍රධානීත්වයෙන් රැස්වන බව එම කමිටු ප්‍රධානී පාර්ලිමේන්තු මන්ත්‍රී ජයම්පතී වික්‍රමරත්න මහතා පවසයි.
අතුරු වාර්තාව හා අනුකමිටු වාර්තා 06 ක් මේ වන විට පාර්ලිමේන්තුවට ඉදිරිපත් කර තිබෙන අතර ඒවා විවාද කර අවසන් බවද මන්ත්‍රීවරයා කීවේය. දැන් පවතින්නේ අවසන් වාර්තාව ඉදිරිපත් කිරීම බවත් ඊට යෝජිත ආණ්ඩුක්‍රම ව්‍යවස්ථා කෙටුම්පතද ඇතුළත් කළ යුතු බවත් ජම්පති වික්‍රමරත්න සඳහන් කරයි.
ඒ අනුව එම කටයුතු පිළිබඳ සාකච්ඡා කිරීම සඳහා ආණ්ඩුක්‍රම ව්‍යවස්ථා මෙහෙයුම් කමිටුව රැස්වීමට නියමිතය.