වත්තේගම කලාප අධ්‍යාපන අධ්‍යක්ෂක ලෙස මධ්‍යම පළාත් අධ්‍යාපන අධ්‍යක්ෂක ඊ.පි.ටි.කේ. ඒකනායක මහතාගේ බිරිඳ වන වයි.එම්.එම්.එස් යාපා මහත්මිය ජෙෂ්ඨත්වය නොසලකා පත්කිරීම සඳහා දැඩි උත්සාහයක නියෙලෙමින් තිබෙන බව වාර්තා වනවා.
ජේෂ්ඨ නිලධාරීන් කපා හැර කෙසේ හෝ තම බිරිඳට මෙම උසස්වීම ලබා දීම සඳහා මධ්‍යම පළාත් අධ්‍යාපන අධ්‍යක්ෂක ඊ.පි.ටි.කේ. ඒකනායක මහතා කටයුතු කරමින් සිටින බවට පළාතේ අධ්‍යාපන බලධාරීන් අතර කතා බහක් ඇතිවී ඇත.
පළාත් අධ්‍යාපන අධ්‍යක්ෂක ලෙස වසර 8ක සේවා කාලය තුල ඒකනායක මහතා පෙන්වා ඇති අකාර්යක්ෂමතාවය හේතුවෙන් අධ්‍යාපන මට්ටම සලකා බැලීමේදී මධ්‍යම පළාත අනෙකුත් පළාත් 9 අතරින් 9 වන ස්ථානයට පත්ව තිබේ. එවන් අවස්ථාවක සුදුසුකම් සපුරා ඇති තවත් බොහොමයක් නිලධාරීන් සිටියදී වත්තේගම කලාප අධ්‍යාපන අධ්‍යක්ෂක ලෙස තම බිරිඳව පත්කර ගැනීම සඳහා උත්සහ දැරීම ප්‍රදේශයේ අධ්‍යාපන බලධාරීන්, ගුරුවරුන් මෙන්ම දෙමාපියන්ගේද විරෝධයට හේතු වී ඇත.