Blue ocean සමාගම් ජාලයට අයත් Blue ocean travel සමාගමට එරෙහිව පාරිභෝගික අයිතීන් සුරැකීමේ ජාතික ව්‍යාපාරයේ සභාපති වරයා විසින් පාරිභෝගික කටයුතු අධිකාරියට පැමිණිල්ලක් ඉදිරිපත් කර තිබේ.
එම පැමිණිල්ල මගින් ඔහු කියා සිටින්නේ තමන් විසින් 2019/03/14 වන දින මැලේසියා සංචාරයක් සංවිධානය කිරිම සඳහා අදාල සමාගමට මුදල් ලබා දුන් බවත් එහෙත් සමාගම නිසි උද්යෝගයෙන් කටයුතු නොකිරිම නිසා මැලේසියානු වීසා නියමිත කාලයට තමන් ඇතුලු පිරිසට නොලබුනු බවත්ය.
අත්දැකීම් අඩු සේවක පිරිසක් විසින් තමන් වරින්වර රස්තියාදු කල බවත් තමන්ගේ සියලු මුදල් ගෙන නියමිත සේවය සැපයීමට ඔවුන් අසමත් වන්නේ තමන්ගේ මුදල් වෙනත් ස්ථානවල ආයෝජනය කර ඇති නිසා බවයි විතානගේ මහතා සඳහන් කර සිටින්නේ. ඒ අනුව Blue ocean සමාගම් ජාලය කෙරෙහි පාරිභෝගිකයාගේ ඇති විශ්වාසය කඩවී ඇති බව ඔහු තව සදහන් කරයි.
ජනතාවගේ මුදල් ආයෝජන ලෙස භාරගනු ලබන මෙවැනි සමාගම් කෙරෙහි රජයේ අවධානය තව දුරටත් යොමු විය යුතු බවත් එසේ නොවුනහොත් තවත් සක්විතිලා බිහිවීමට ඉඩ ඇති බවත් ඔහු Colombo Today වෙත පැවසීය.
Blue ocean සමාගම් ජාලයේ සභාපතිවරයා වන්නේ සිවරාජා තුමිලන් නැමැති සුපකට ව්‍යාපාරිකයායි.