තවමත් නිල වශයෙන් ජනාධිපති ධූරයෙහි රැඳී සිටින ගෝඨාභය රාජපක්ෂ තම නිල තත්ත්වය මත රටින් බැහැර යාම වැළැක්වීම සඳහා නීත්‍යනුකූල බලයක් තමන්ට නැතැයි ශ්‍රී ලංකා ආගමන හා විගමන නිලධාරීන්ගේ සංගමය නිවේදනයක් නිකුත් කරමින් පවසයි.
ජනාධිපතිවරයා කටුනායක ජාත්‍යන්තර ගුවන්තොටුපළෙන් රටෙන් පිටවීමට පැමිණි අවස්ථාවේ ආගමන විගමන නිලධාරීන් ඔහුට පිටවීමට අවශ්‍ය අනුමැතිය දීම ප්‍රතික්ෂේප කළ බවට සමාජ මාධ්‍යයේ විවිධ ප්‍රචාර පැතිර ගිය නමුත් එහි කිසිදු සත්‍යතාවක් නැතැයි ද එම නිවේදනයේ වැඩිදුරට ත් සඳහන් වේ.