අගමැති රනිල් වික්‍රමසිංහට මොළේ කළඳක් හෝ තිබේ නම් රට කලඹන්නේ නැතිව වහා ම වැඩ බලන ජනාධිපති ධූරයට කතානායකවරයා පත් කිරීමට ඉඩ දෙන ලෙස නීතිඥ සුනිල් වටගල පවසයි.
ලද ආරංචි මාර්ග අනුව වැඩ බලන ජනපති ලෙස රනිල් වික්‍රමසිංහ පත් කිරීමට සූදානම් වන බව ත් යළි රට කැලැඹීමටත් ලේ විලක් දක්වා තල්ලු කිරීමට එය සමත් වනු ඇති බව ත් ඔහු කීයයි.
කෙසේ වෙතත් ව්‍යවස්ථාවේ 40 (1) වගන්තියට අනුව අගමැතිවරයාට ද ජනාධිපති ධූරය භාරගැනීමට නොහැකි නම්, එය කතානායකවරයාට භාරදීමට ඉඩ දිය යුතු වුව ත් රනිල් වික්‍රමසිංහගේ බලලෝභී හා තනතුරුවලට ඇති කෑදරකම මත යළි රට අනතුරේ නොදැමිය යුතු බව වටගල අවධාරණය කරයි.
රනිල් වික්‍රමසිංහ අගමැතිවරයා ව්‍යවස්ථාවේ එල්ලී බලලෝභය ප්‍රදර්ශනය නොකළ යුතු සේ ම මේ මොහොතේ ජනාධිපතිවරයා සේ ඔහු ද අනිවාර්යයෙන් ධූරයෙන් ඉවත්විය යුතු බව වටගල කීය.
රනිල් වික්‍රමසිංහ ජනපති ලෙස පත් කළ හොත් එය අරගලකරුවන් ප්‍රමුඛ රටේ ජනතාවගේ අභිලාෂය මුළුමනින් ම බිඳ දමන බව ද හෙතෙම වැඩිදුරටත් පෙන්වා දෙයි.