විල්පත්තුව කපා මුස්ලිම් ජනතාව එහි පදිංචි කර ඇති බවටත්, අරාබි කොලණියක් හදා ඇති බවටත් භික්ෂූන්වහන්සේලා චෝදනා කරන බවත් හැකිනම් විල්පත්තුවේ එක බිම් අගලක හෝ මුස්ලිම් ජනතාව පදිංචි කර ඇති බවට ඔප්පු කරන ලෙසත් හැකිනම් ඔවුන් එම ප්‍ර දේශයෙන් එළවා දමා පෙන්වන ලෙසත් අමාත්‍ය රිෂාඩ් බදුර්දීන් අභියෝග කරයි.
විල්පත්තුව පිලිබදව කොමිසමක් පත්කරන්නැයි තමා ජනාධිපතිවරයාගෙන් ඉල්ලා සිටි බවත් පවසන ඇමතිවරයා, ලැබූ ජනවරම පරිදි ක්‍රියා කරන්නැයි නායක දෙපළටම දන්වා සිටින බවද කියා සිටියේයේ. ගිය ආණ්ඩුව කළ වැරැද්ද මේ ආණ්ඩුවත් කළහොත් ජනතාව පාඩමක් ඉගැන්වීමට සූදානම්ව සිටින බවද හෙතෙම අනතුරු අගවා සිටියේය.
විල්පත්තු රක්ෂිත ප්‍රේරක කළාපයට අයත් රක්ෂිත වනාන්තර එළිපෙහෙළි කරමින් පිටස්තර පුද්ගලයන් ගෙනැවිත් පදිංචි කර ඇති බවට විගණකාධිපති වාර්තාවක් මගින්ද හෙළිකර තිබුණු අතර, පරිසර සංවිධාන විසින්ද රිෂාඩ් බදියුදීන් ඇමතිවරයාගේ විල්පත්තු සංහාරය පිළිබදව සාක්ෂි සහිතිවම අවස්ථා කිහිපයකදීම හෙළිදරව් කර තිබිණි.