Allianz Insurance සමාගම විසින් රක්ෂණ වන්දි නොගෙවීම පිළිබඳව රට වටෙන්ම පොලීසිවලට පැමිණිලි ලැබෙමින් පවතින බව පාරිභෝගික අයිතිවාසිකම් සුරැකීමේ ජාතික ව්‍යාපාරය පවසනවා.
එම සංවිධානයේ සභාපති රංජිත් විතානගේ මහතා සඳහන් කර සිටියේ මෙම සමාගම පාරිභෝගිකයාගෙන් මුදල් ලබාගෙන ඒ පාරිභෝගිකයාට වන්දි ගෙවන්නේ නැති තත්වයකට පත්වී ඇති බවත් තමන්ගේ ඉල්ලීම ඉදිරිපත් කරන්න යන පරිභෝගිකයන් නඩුවලට පටලවමින් සිටින බවත් පැවසීය.
පාරිභෝගිකයන්ට සාධාරණයක් ඉෂ්ඨ කිරීමට මාසයක කාලයක් ලබා දෙන බවත් එසේ නොකර පාරිභෝගිකයන්ට අසාධාරණයක් කර අධික ලාභ ලබන්න කටයුතු කරන්නේනම් ප්‍රභලව පාරිභෝගිකයන් වෙනුවෙන් පෙනී සිට ව්‍යාපාරය අඩපන කරවන තත්වයට මෙම සටන රැගෙන යන බව විතානගේ මහතා අවධාරණය කර සිටියේය.
මේ රටට අවශ්‍ය වන්නේ සාධාරණ ලෙස ක්‍රියා කරන රක්ෂණ සමාගම් බවත් ඒ මහතා සඳහන් කරන ලදි.