මාදම්පේ පොලීසියට අනියුක්තව සේවය කළ පොලිස් කොස්තාපල්වරයෙකු පොලිස් ස්ථානය අසල ගසක ගෙළ වැළලාගෙන මිය ගොස් තිබේ.
අද (16)දින අළුයම මිය ගොස් සිටි මෙම කොස්තාපල්වරයාගේ සිරුර සොයා ගෙන තිබුණි.
මෙලෙස මිය ගොස් ඇත්තේ යාපනය, කොඩිකාමම් ප්‍රදේශයේ පදිංචිකරුවෙකි.
හලාවත වැඩ බලන මහේස්ත්‍රාත් චානක උදයංග මහතා සහ හලාවත මහා රෝහලේ අධිකරණ වෛද්‍ය නිලධාරී රමේෂ් අලගියවන්න මහතා සිද්ධිය වූ ස්ථානයට පැමිණ මූලික විමර්ශන කටයුතු සිදු කර තිබේ.
අනතුරුව මිය ගිය අයගේ මරණය සම්බන්ධයෙන් පශ්චාත් පරීක්ෂණයක් සිදු කර අධිකරණයට කරුණු වාර්තා කරන ලෙස වැඩ බලන මහේස්ත්‍රාත්වරයා අධිකරණ වෛද්‍ය නිලධාරීවරයාට නියෝග කර ඇත.
මාදම්පේ පොලීසිය වැඩිදුර විමර්ශන සිදු කරයි.