පාස්කු දා ප‍්‍රහාරය සම්බන්ධයෙන් සිදුකෙරෙන පරීක්‍ෂණවලට අදාළව කළුතර ජ්‍යෙෂ්ඨ පොලිස් අධිකාරී සංජීව බණ්ඩාර මහතාගේ තරුවක් ඉවත් කිරීමට පොලිස් කොමිෂන් සභාව පියවර ගෙන ඇත.
මේ අනුව සංජීව බණ්ඩාර මහතා ජ්‍යෙෂ්ඨ පොලිස් අධිකාරි ධුරයේ සිට පොලිස් අධිකාරි ධුරය දක්වා පහතට හෙළා ඇත.
පසුගිය අපේ‍්‍රල් 21 වැනිදා සිදුවූ පාස්කු ඉරිදා ප‍්‍රහාරය දිනය වනවිට සංජීව බණ්ඩාර මහතා කොළඹ දකුණු ජ්‍යෙෂ්ඨ පොලිස් අධිකාරිවරයා ලෙස රාජකාරි කරමින් සිටි අතර පාස්කු දා ප‍්‍රහාරයක් එල්ලවිය හැකි බවට ඉහළින් ලැබුණු වාර්තා පහළ නිලධාරීන්ට ලබා නොදීම සම්බන්ධයෙන් මොහුට චෝදනා එල්ල වී ඇත.
මේ සම්බන්ධයෙන් පොලිස් මාධ්‍ය ප‍්‍රකාශක ජ්‍යෙෂ්ඨ පොලිස් අධිකාරි ජාලිය සේනාරත්න මහතාගෙන් කළ විමසීමේදී ඔහු කියා සිටියේ පාස්කු දා ප‍්‍රහාරය සම්බන්ධයෙන් ජාතික පොලිස් කොමිසම සිදුකරගෙන යන විමර්ශනයකට යටත්ව සංජීව බණ්ඩාර මහතාගේ නිලය පහත හෙළීමක් කර ඇති බවයි.