ශ්‍රී ලංකාව තුළ වර්තමානයේ ගමනාගමනයේ යෙදෙන බස්රථ වර්ග ගෙන්වීම ඉදිරියේ දී තහනම් කිරීමට තීරණය වී තිබෙනවා.
මගීන්ගේ අපහසුතා හේතුවෙන් මෙම තීරණය ගත් බවයි මගී ප්‍රවාහන කළමනාකරණ අමාත්‍යංශයේ නිලධාරියෙකු සඳහන් කළේ.
වර්තමානයේ පුද්ගලික අංශය විසින් ගෙන්වනු ලබන සාමාන්‍ය බස් රථ, ලොරි චැසි සඳහා බස් බොඩි එක්කරන ලද ඒවා බවයි ඔහු පෙන්වා දුන්නේ.
ඒ අනුව ඉදිරියේදී පුද්ගලික අංශයට පහත් පතුල් බස් රථ (Low-floor bus ) පමණක් ගෙන්වීමට අවසර දීමට නියමිතයි.
එම බස් රථ සඳහා ගොඩවීමට අපහසුවක් නොමැති අතර ගමන් කිරීමේ අපහසුතා ඇති පුද්ගලයන්ටද පහසුවෙන් ගොඩ විය හැකි වනවා.
