නව ගිවිසුමක් යටතේ කොළඹ වරාය නගර ව්‍යාපෘතිය යළිත් ඇරඹීමට රජය තීරණය කර තිබේ.
ජාත්‍යන්තර වෙළද කටයුතු රාජ්‍ය අමාත්‍ය සුජීව සේනසිංහ මහතා පැවසූවේ නව එකගතාවයන් මත අදාල ව්‍යාපෘතිය පවත්වාගෙන යාමට චීන රජය සමග ශ්‍රී ලංකා රජය සාකච්ඡා පවත්වමින් සිටින බවයි. එහි පරිසර ශක්‍යතා වාර්තාව මේ වන විටත් සකස් කර අවසන් බවත් අදාළ නව ගිවිසුම යටතේ එළඹෙන වසරේ මුල් කාලයේදී ව්‍යාපෘතියේ වැඩ යළි ආරම්භ කිරීමට නියමිත බවත් සේනසිංහ මහතා පවසනවා.
අදාල ව්‍යාපෘතිය සම්බන්ධයෙන් පෙර ඇතිකරගත් ගිවිසුම අනුව වරාය නගරයෙන් හෙක්ටාර් 20ක පමණ භූමි භාගයක් චීනයට හිමි වුවද නව ගිවිසුම යටතේ භූමියෙක් කිසිදු කොටසක් චීනයට අයත් නොවන බවද ප්‍රකාශ වෙනවා.
ඉදිරියේ දී චීනය මෙන්ම ඉන්දියාව සමගද මේ සම්බන්ධයෙන් වූ නව ගිවිසුමකට අත්සන් තැබීමට නියමිත බවයි ඇමතිවරයා පවසන්නේ. රජය විසින් කිසිදු ව්‍යාපෘතියක් අවලංගු කර නොමැති බවත් අදාළ ගිවිසුම් පිළිබදව නිසි ඇගයීමක් හා අක්‍රමිකතා පිළිබදව සොයා බැලීමක් පමණක් සිදු කරන බවත් ඇමතිවරයා සදහන් කළා.